Ikebukuro, “kazh-tavarn” ha karaoke

Sañset e oamp da vont d’ur pik-nik bras etrevroadel e park Yoyogi evit fin an hanami. Vil a-walc’h e oa an amzer ha nullet eo bet. E plas hon eus divizet mont da Ikebukuro da bourmen. Emgav oa dirak ma zi ha reoù zo a zo erruet abred ha deuet-tre. Adkavet hon eus koublad dimeurzh da noz ha zo bet “laouen” o welet ma zi rak int a zo e-barzh un dra vihan tout ha lous brein war a seblant neuze e vo tu dezho klask cheñch ranndi gant arguzennoù (gweladennet meur a di all kalz gwelloc’h). Bet omp war-droad rak tost a-walc’h omp a-benn ar fin. Goude ur pred (kig bevin, saladenn kaol, soubenn miso hag ur volennad riz evidon) omp bet d’ar stal Tokyu Hands e lec’h ma ‘z eus ur bern traoù (distreiñ a rin d’am soñj rak ur bern traoù o deus plijet din… (piv n’eus lâret “necomimi” ?)). Goude-se omp bet en tour Sunshine 60. Ur spont eo pegen bras eo! Ur Moe Garden (ur stal gant traoù Ghibli!) ha n’ouzon ket pet stal dilhad… Souezhet e viot holl o c’houzout on deuet en-dro gant ur re votoù. Botoù Converses. Laoskel a ran un tamm kevrin met fier on. E gwirionez e kaven kêr (ur bannel a oa e-kichen a lâre e oa ar c’honverses da 3000Y neuze e oan dipitet o c’houzout ne oa ket ar re a blije din en o-zouez), aet on kuit ha distroet war-lerc’h o soñjal em befe keuz ma buhez pad ^^ Tro 4eur bennak omp dispartiet peogwir e felle da reoù zo mont d’an aquarium ha da reoù all mont d’an Nekorobi. Me vefe bet a-walc’h d’an daou met lâret em boa e rafen an neko cafe gant plac’h all ar strollad. Bet omp neuze d’un davarn un tamm ispisial : paeet e vez evit mont barzh ul lec’h sioul (gant kadorioù, manga da lenn, evajoù) ha bez ez eus kizhier ivez! Un aergelc’h dispar a zo, ar c’hizhier a oa kousket an darn vrasañ anezho met moutig-tre oa gwelet anezho.
nekorobi1nekorobi2nekorobi3Ret eo tennañ ar botoù ha gwalc’hiñ an daouarn a-raok mont-tre. Goude-se ez eus reolennoù : arabat skeudenniñ gant flash, arabat skeiñ gant ar c’hizhier pe klask re war o lerc’h ma na fell ket dezho ha traoù a seurt-se. Ur bern tud a oa! Koubladoù o lenn astennet asambles, strolladoù merc’hed tro-dro d’un urzhiataer… A bep seurt tud! N’omp ket chomet pell rak kêr-tre (950 円 evit un hanter-eur + un evaj) eo met ur blijadur eo memes tra. Bet omp en ur stal da 100 円 adarre goude a-raok distreiñ betek ma zi da dapout un digor-kalon. Emgav hon oa gant ar baotred all da 7 eur noz evit koan. Un tamm kig moc’h war riz ha toazennoù yen (e gwirionez ne ouien ket petra em boa gourc’hemennet ^^, toazennoù ramen yen int, ret eo lakaat chaous soja ha tammoù bihan onion ha wasabi gante, n’eo ket ken fall-se!) ha deomp d’ar c’haraoke! Start eo bet peogwir ne gomze ket saozneg an dud met deuet omp a-benn da gaout ur sal evidomp. Evit 2600 円 pep hini hon oa ur sal betek 5eur beure (erruet omp tro 8 eur 15 bennak) hag evajoù hep alkool keit a felle deomp.
big_echoPlijus ha fentus eo bet ha chomet omp betek 1eur 30. Marteze e tistroimp en-dro e fin ar veaj, gwelet e vo… !

(11 513 paz)

Advertisements

Roppongi

Abred on bet o kousket dec’h ha dihunet trankilik ar beure-mañ. Un tamm startoc’h eo bet evit ma c’hamaladed avat war a seblant! Emgav omp deuet a-benn da gaout a-benn kreisteiz. Un tamm poan hon eus bet o tivizout da belec’h mont. Fellout a rae din mont da Odaiba met ne oa ket brav an amzer. Divizet hon eus mont neuze kostez Roppongi. Debret toridon (un û ha kig yar war ur volennad riz).
toridonTri ac’hanomp zo bet o welet diskouezadeg Alfonse Mucha er Mori Art Museum. Plijus ken-ken e oa, daoust d’an nebeud traoù e saozneg. Ur bern oberennoù, bruderezh, taolennoù, traoù “art nouveau” evel-just met traoù all ivez. E traoñ tour Mori e lec’h m’emañ ar mirdi ez eus un delwenn eus “Maman” (a vez kavet e meur a lec’h er bed a-bezh, dirak mirdioù dre vras) gant Louise Bourgeois.
mori_tower_mamanUn aergelc’h iskis a zo e karter Roppongi, tud o c’houlenn arc’hant, merc’hed koant ha yaouank a seblant muioc’h escort girl evit traoù all, kalz estrañjourien… N’on ket bet fan. Bet omp o straniñ en Don Quichotte ur pezh stal 5 estaj gant ur bern traoù droch. Farset hon eus o lakaat togoù iskis ha tout (ur bern dilhad evit chas da skouer).donqui_chas Goude-se e felle deomp kavout ul lec’h gant stalioù hengouneloc’h met chomet omp da gerzhet e-pad pell hep kavout. Distroet omp da Ōtsuka da zebriñ koan (katsudon ar wech-mañ, kig moc’h panet war riz) ha bet er stal “pep tra da 100 円” bras a zo e-kichen. O tistreiñ gant ar c’houblad a oa bet en diskouezadeg ganin hon eus prenet ur skornenn vanilhez gant fav ruz. Na oa ket fall! Kinniget ‘m eus dezho dont d’an ti, aesaet hon eus an tonkatsu (un daol gant un doare palenn a domm) ha c’hoariet d’un doare “bluffer” (graet er gêr kea). Plijus-tre!

(12 870 paz)

Menez Nokogiri

Abred ‘m eus ranket sevel hirie peogwir e oa emgav da 8e e ti-gar Shinagawa a zo da 1/2eur metro (linenn Yamanote) eus ma zi. Daou eus ar strollad e oamp hag emgav hor boa da 7e20 evit mont kuit. Erruout omp en ti-gar ha graet anaoudegezh gant teir flac’h eus Bro Suis erruet dec’h a rafe ar bourmenadenn hirie ganeomp. Un tamm hir eo bet an hent rak da gentañ tout e rankemp tapout un tren e-pad un eur (linenn Yokosuka, betek ti-gar Kurihama), goude-se ur bus betek ar porzh er gêr-se hag ur vag betek Kanaya, e tu all bae Tōkyō.
ererUr bern erer a oa o heuliañ ar vag ha chomet omp er-maez a-hed ar veaj, plijus-kenañ e oa bezañ tost d’ar mor evel-se! Erruet omp tro 11 eur. Gwelet hon eus da gentañ “santual an amourouzien”, ur c’hloc’h da seniñ evit ur c’houblad ha morailhoù bihan tro-dro.
amourouzienUl lec’h romantel-kenañ eo war a seblant (Kenji en deus diskouezet deomp ur skeudenn ‘oa deuet a-benn da dapout gant ar c’hloc’h, an heol o vont da guzh hag ar Fuji…) Debret hon eus diouzhtu en ur preti boued-mor (evel-just!), en un doare kreizenn kenwerzh, a-benn kregiñ da bourmen goude. Tañvaet ar c’huri japanat ganin neuze! Lâret e vez eo ur meuz eus ar vro peogwir eo bet degaset ar c’huri da Japan dre ar porzhioù-mor gant Saozon. Un tamm disheñvel eus hini Indez eo (kalz teñvaloc’h) met mat ‘m eus kavet!
kariiPal ar bourmenadenn a oa Nokogiri Yama (menez heskenn).
nokogiriyamaBet omp da gentañ e-krec’h ar menez gant ur fungarr. Ur sapre gweledva a zo aze (ha sañset eo gwelloc’h c’hoazh pa vez dizolo an amzer, gwelet e vez ar Fuji hag an Tokyo SkyTree!) daoust d’an amzer bezañ brav ha tomm ne oa ket trawalc’h evit gwelet pell. Domaj eo!
gweledva_nokogiriKroget omp da ziskenn neuze. Da gentañ da welet ar “c’hant-shaku Kanon” (Kanon 30m neuze, shaku o vezañ 30cm), bamus penn-da-benn.
100shakukanonPignet omp c’hoazh da welet an “Ifern” (Rurikô Observatory) a-benn kaout ur gweledva a-feson (uheloc’h e seblant bezañ evit beg ar menez pa erruer a zo da 329m) ha diskennet ar menez o sellout ouzh ar 500 diskibl mein a zo a-hed an hent. En traoñ e vez kavet an Nihonji Daibutsu, ur bouddha 31m uhelder (uhelañ hini Japan!). Bras eston ivez.
ifern1
ifern2

diskibled
nihonjidaibutsu Ur banne evaj a-benn tapout nerzh evit pignat en-dro (Minute Maid rezin gwenn hag aloe, gant tammoù… Iskis un tamm met skañv ha kentoc’h mat!). Berr a-walc’h eo an hent evit pignat en-dro a-benn ar fin (keñveriet gant an hent evit diskenn) neuze n’eo ket bet re start pignat tout ar skalieroù en-dro. Teir siell ‘m eus bet hirie (hini ar vag, hini ar fungarr hag hini ar bouddha bras) ! ^^
Diskennet omp en-dro gant ar fungarr ha bet betek un onsen. An onsen a zo ar c’hibelloù foran hengounel. Ret eo bezañ propr a-raok mont e-barzh an dour, mont en noazh hag an dour a zo tomm (un tamm ouzhpenn 40° e oa hirie da skouer). Paotred ha merc’hed a zo dispartiet evel-just.
Bet on gant unan eus merc’hed Suis (an hini yaouankañ, ar re all n’o deus ket fellet mont), goude bezañ diwisket omp bet er gibell. Hon-unan e oamp! Plijus-tre eo soubañ en dour tomm evel-se, distanus-tre goude an diskenn/pignat skalieroù hon eus graet!
onsenChomet omp un 20 munut bennak en dour d’am soñj, met pep hini ac’hanomp deus ranket mont kuit eus ar gibell d’ur mare zo. Santout a raen ma c’halon o talmañ kreñv-kreñv! Goude, e oamp mezevellet un tamm…
Ne oa neuz ispisial ebet gant Kenji padal an tri all ac’hanomp a oa bet en dour a oa ruz-mik! Ur spont.
Ur prantad plijus eo bet ha distreiñ a rin gant plijadur en un onsen d’am soñj ^^
A-raok kregiñ gant ar veaj distro omp bet o welet ar stalioù en-dro ha prenet ‘m eus ur wastellenn dic’hortoz : baumkuchen ! War a seblant eo bet degaset ar sekred-kegin gant ur prizoniad alaman e-kerzh ar brezel etre Sina ha Japan. Un dibenn-pred “hengounel” eo bremañ e Japan! Gwelet e veze an dud o labourat, brav e oa da welet! Mat-tre eo ar wastellenn ouzhpenn! Ur bern “boued-feur” a oa er stal, en o-zouez ar frouezhenn biwa a vez kavet kalz er vro. biwaUr wezenn ‘m eus gwelet ha moutig-tre oa ar frouezh-feur ^^ Met n’am eus ket kredet prenañ un dra bennak gant blaz biwa evit tañva.
Er veaj distro e oamp holl badaouet goude an onsen. Tañvaet ‘m eus un evaj nevez, te yen pechez ha sakura (met n’am eus santet diforc’h ebet gant un te yen pechez ordinal…). Er bus da vont betek an ti-gar e oan azezet e-kichen ur paotr kozh a zo kroget da c’houlenn eus pelec’h e oan o tont ha tout, ur gaozeadenn dic’hortoz ha plijus (e saozneg). En tren ‘m eus klasket lenn met manet on kousket ha dihunet just a-raok Shinagawa! Aes kenañ eo menel e trenioù ha metro bro Japan ur spont… Ha war memes tro e vez kemennoù ordin evit lârat pelec’h eo erru an tren (dre vras e japaneg, amzer da glevet anv an arsav-lec’h, met e saozneg ivez war linennoù zo), skrammoù a vez ivez evit heuliañ an hent, kemennoù pa vez labourioù/gwallzarvoudoù hag all. Un drugar eo beajiñ gant an trenioù evit ar mare! Ur veajig Yamanote evit distreiñ, prenet udon (toazennoù ed-du) da zebriñ da goan, gwastilli (briochennoù matcha/fav ruz ha gwastilli klaseloc’h gant chokolad, doare cookies un tammig) hag ur banne fanta pechez (kentoc’h plijus!).
Petra ‘vo graet a-benn warc’hoazh? Kevrin!

Meur a gartenn a lakan hirie…

Gwelout a rit Shinjuku ha Chiyoda? Se 'zo kreiz-kêr Tokyo. Ur mennozh neuze eus an hentad tren ha goude-se eus ar veaj gant ar vag betek tu all ar pleg-mor!

Gwelout a rit Shinjuku ha Minato? Se ‘zo kreiz-kêr Tōkyō. Shinagawa a welit ivez, du-hont hon eus tapet an tren. Ur mennozh neuze eus an hentad tren ha goude-se eus ar veaj gant ar vag betek tu all ar pleg-mor!

Beaj war vag ha spisoc'h e-kichen menez Nokogiri

Beaj war vag ha spisoc’h e-kichen menez Nokogiri

Hag ar menez a dostoc'h c'hoazh!

Hag ar menez a dostoc’h c’hoazh!

(13886 paz, met ur bern anezho er skalieroù !!)

Asakusa hag an Tokyo Skytree

Divizet hon oa dec’h da noz gant ar re all kaout emgav war fb pa zihunfemp evit gwelet petra ober. An hini ziwezhañ on bet o sevel tro 10e50. Emgav hon eus lakaet da 11e45 neuze.
Bet omp betek Asakusa, karter touristelañ Tōkyō ha brav eston e oa an amzer!asakusaUn tamm tro er park ha bet o tebriñ rāmen (toazennoù en ur volenn), ranket hon eus gourc’hemenn gant ur mekanik, pep tra a oa e  Japaneg (met unan eus ar strollad a anavez kanji zo, savetaet en deus ac’hanomp!), magus spontus ar pred (ha oa ket aes chom propr ouzhpenn) met mat (tapet em boa miso rāmen). Distroet omp un tammig da Asakusa e lec’h m’hon eus gwelet ul lodenn eus ur pezh c’hoari gant skolidi ha skolajidi, fentus ‘oa!
pezh_c'hoariGwelet hon eus ivez evit ar wech kentañ doare menec’h iskis o c’houlenn arc’hant (klevet em boa komz eus an dra-se, dre vras n’int ket Japaniz ha n’ouzer ket re evit piv eo an arc’hant). Treuzet hon eus ar pont ha bet omp da bourmen er c’harter un tammig c’hoazh.pont_asakusa Prenet ‘m eus ma evaj kentañ en ur mekanik evel ma vez gwelet e pep straed (te yen blaz avaloù, ‘oa ket fall! ur skeudenn ‘m eus kavet) ha betek an Tokyo Sky Tree da c’houde, tour tele uhelañ ar bed !
skytreeNevez eo an tour ha kalz tud a vez o weladenniñ. Ret eo mont da gemer un doare paperenn a ro un eur evit mont d’ober al lost da c’houde! Ur plas evit 7e30 hon eus bet, setu omp bet du-hont diouzh noz. En ur c’hortoz (peogwir e oa abred c’hoazh!) omp bet o kemer un tamm adverenn en ul lodenn sioul a-walc’h eus ar greizenn kenwerzh.
matcha
Ur banne latte matcha gant ur parfait matcha (skorn matcha, fav ruz, mochi, edaj, skorn vanilhez) evidon ha da welet stalioù a bep seurt an Tokyo SkyTree Town (ha Solamochi ‘m eus ket komprenet mat pep tra). Tro 7eur15 omp bet da c’hortoz a-benn prenañ an tikidi. Hir a-walc’h eo bet gortoz met mont a rae buan hag aozet mat e oa pep tra (ur baradoz evit ar streetpass e oa ouzhpenn :D). Tro 9 eur bennak omp pignet.
tokyo_noz Brav-tre oa gwelet Tōkyō diouzh noz bamet on bet me gant ar bignerez, estreget an divskouarn ne vez santet netra pa bigner betek 350m (an estaj kentañ evit ar gweledva) ! N’omp ket bet betek an eil (da 450m), un tamm kêr evit nebeut a dra. (2000円 eo mont tre en estaj kentañ ha 1000円 ouzhpenn evit mont en eil!! Tro 25€ en holl!)
skytree_nozDistroet omp da dapout skeudennoù eus Asakusa diouzh noz (fentus gwelet an diforc’h, kalz siouloc’h an traoù…) ha setu!
asakusa_noz1 asakusa_noz2

Un dachenn un tamm resisoc'h ar wech-mañ. Tachenn templ Asakusa a zo bras-tre, ar park eus tu all ar rinier hag an Tokyo Sky Tree er reter.

Un dachenn un tamm resisoc’h ar wech-mañ. Tachenn templ Asakusa a zo bras-tre, ar park eus tu all ar rinier hag an Tokyo Sky Tree er reter.

(15 823 paz)

Mitaka

Dimerc’her on bet betek park Inokashira. Prenet peadra da zebriñ da greisteiz en ur c’hombini ha bet betek ar park. Brav eo ha bras a-walc’h met glav-bil a zo bet a-hed ar beurevezh (implijet diouzhtu prof gall nozvezh dilun, en doa ankouaet e disglavier treuzwelus ha tapet ganin neuze).
inokashiraBet on e zoo Inokashira (div lodenn a zo, unan un tamm e diavaez ar park hag unan e-kreiz gant evned kentoc’h). Un eil siell am eus bet aze (hag un distaol evit mont e-barzh evit an estrañjourien) ha gwelet em eus un toullad loened iskis (ar zoo a zo dreist-holl loened eus Japan, traoù n’anavezomp ket neuze!) met tristik e oa gant ar glav.
zooFentus eo bet al lodennig gant ar gwiñvered (un doare kaoued e lec’h ma c’haller pourmen met dieub eo al loened e-barzh), jentil-tre eo bet plac’h ar zoo hag ur gwiñver a zo pignet warnon ^^ Da c’houde ‘m eus klasket goudor evit debriñ (ur sandwich ha daou onigiri. Ur banne Green Da Ka Ra am eus tañvaet ivez, un evaj doare dour gant blaz frouezh, n’eo ket re sukret, plijus eo). Un tamm amzer a chome din a-raok an emgav dirak mirdi Ghibli ha kavet ‘m eus ur c’hafedi (café du lièvre) pa ‘m eus gwelet an anv ‘m eus soñjet e oa an tonkadur! Laouen bras e oan o vont da evañ ur banne tomm. Ur c’hrampouezh-ti ‘oa gant produoù breizhat (sistr, holen Gwenrann ha tout!) ha taolennoù un arzourez gant gedon, un aergelc’h Alis e bro ar marzhoù un tamm ganto. Plijus (ha tomm!).
cafe_du_lievre Aze ‘m eus dizoloet an tech a zo e bro Japan er preti e vez roet ur werennad dour diouzhtu pa erru an arval ha leuniet en-dro an eilenn ma echuit ar werennad! (Dour gant ur bern skorn…) Iskis un tamm ! Ma. Goude on bet betek mirdi Ghibli neuze, adkavet am eus daou baotr eus ar strollad. Ur savadur ijinet gant MIYAZAKI Hayao eo.mirdi-ghibli En degemer e vez roet deomp un tamm pelikulenn film gant ar bilhed, Ponyo evidon 🙂 En estaj traoñ ez eus diorama ha traoù evel-se, hag ur sinema e lec’h ma vez skignet ur filmig gant ur c’hi moutig. En estaj kentañ ez eus un diskouezadeg sañset da ziskouez burev MIYAZAKI (ur bern tresadennoù, story-board, skeudennoù studi hag all a zo, ur BAM!), ha diskouezadegoù diwar-benn traoù en deus awenet anezhañ (cheñch a ra an diskouezadegoù-se, a-wechoù e vez diwar-benn filmoù bevaat broioù all da skouer) aze e oa diwar-benn mojennoù rusian me gred ha bannoù-treset doare comics kozh…
En eil estaj emañ pezh an nekobus, lec’h trouzusañ ar mirdi (ur bern bugale o huchal e-barzh ur pezh nekobus feur…), ur stal levrioù (chomet on fur met start e oa dirak tout an artbooks brav eston) hag ar stal goodies. Er-maez emañ an doenn da welet (Laputa) hag ur c’hafedi.
toennstrawhat_cafecherry_coffee_tea

Bet omp da evañ ur banne, un “coffee cherry tea” ‘m eus tapet, ur banne te kerez neuze met gant greun kafe da veskañ e-barzh a ro ur blaz un tamm mogedet d’an evaj. Na oa ket displijus!
En ur zistreiñ e felle din tremen dre Nakano da welet ar sakura met emgav hon oa da 6 eur e Yasukuni ha re verr ‘oa an amzer (Mitaka a zo pell a-walc’h e kornog Tōkyō). Adkavet hon eus tri den all eus ar strollad (met unan a zo aet kuit etre-tan ivez) hag an daou zen a oa en davarn an noz a-raok. Bet omp o tebriñ traoùigoù e-barzh ar standoù boued bihan a bep seurt a zo er mare-mañ tro-dro d’ar santual.
takoyaki_yasukuniTañvaet ‘m eus takoyaki (bouloù gant poulp) met ‘m eus ket kavet mat tamm ebet… Kemeret ‘m eus kig mod all.
Da c’houde omp distroet da welet ar sakura gant gouleier, tro-dro d’ar palez brav-tre oa ! Reoù ‘zo a oa bet lakaet ur filtr roz war ar gouleier, ur bam, ur wech c’hoazh.
sakura_nozTro 9 eur 30 omp kroget da zistreiñ davet ar gêr, yen sklas e oa c’hoazh ha skuizh marv goude ma devezh kerzhet dindan ar glav!
Diouzh an noz ‘m eus debret ur pakad gwestell doare mikado blaz kafe (merk pocky) hag un doare gwastellenn matcha gant toaz fav-ruz e-barzh.

Mitaka a zo pell a-walc’h e Kornog Tōkyō.

(21 632 paz)

Tro-dro da linenn dramgarr Toden Arakawa

Kroget ‘m eus an devezh o klask sikour digant ur c’henlojer rak na oan ket gouest da vestroniañ an dommerezh er gambr (tommañ a rae met diouzhtu pa veze diskennet e paoueze mik, ret din pignat war ur gador evit adlañsañ ha tout).tommerezhSikouret on bet ha mont a rae en-dro goude, ouf!
Divizet em boa mont gant an tram bihan a dremen dirak an ti (tramway nemetañ Tōkyō eo!) an deiz-se davet liorzh Asukayama. Abred a-walc’h e oa hag un toullad oamp o skeudenniñ ar sakura.
asukayamaUn aergelc’h plijus-kenañ ‘oa ha d’am soñj n’eo ket ul lec’h anavezet kaer gant touristed. Da 10eur on bet e mirdi ar paper. Ur mirdi bihan eo diwar-benn penaos ‘vez graet ar paper, istor ar paper. Seblantout a ra graet evit deskiñ d’ar vugale dreist-holl. Plijus-tre eo bet plac’h ar c’hef, roet din ur pezh levr e saozneg ha tout. mirdipaperAn 3de estaj n’eus plijet kalz din (an estajoù all n’int ket dedennus-tre e gwirionez) peogwir e oa a bep seurt traoù kozh graet gant paper hag un diskouezadeg origami dispar (difennet skeudenniñ). Ar plac’h kozh a rae war-dro al lodenn-se a seblante laouen bras o welet ac’hanon. Souezhet marteze. Chomet on da leuniañ ur c’houlennaoueg evit sikour anezho rak plijus-tre ‘m eus kavet an dud.
Da c’houde ‘m eus tapet an tramgarr en-dro da vont betek penn al linenn, davet skol-veur Waseda. tramgarr_wasedaLeun-chouk e oa an tramgarr d’an eur-se (tost da 11eur) ! Un tamm poan ‘m eus bet o kavout ma hent war tachenn ar skol-veur, gant fin ar bloaz ur wech ouzhpenn, ur bern tud pep lec’h, ar merc’hed e kimono… Goulennet ‘m eus ma hent gant un den a laboure aze met ne seblante ket anavezout ar mirdi ^^ Mat eo bet memestra. Erruet e mirdi Tsubouchi neuze.
tsubouchiSouezhet on bet peogwir eo digor frank ar savadur, n’eus den o tegemer na netra (digoust eo evel-just). Ur bern pezhioù bihan a zo, diwar-benn Shakespeare da gentañ, Tsubouchi da c’houde (an den en deus troet oberennoù Shakespeare e Japaneg) ha kentoc’h ar c’hoariva japanat goude, no, kabuki hag all. A bep seurt traoù a vez gwelet. c'hoarivahengounelSouezhet eo bet plac’h ar mirdi o welet ac’hanon ivez (darlammet zoken!) moarvat ne welont ket alies touristed amañ.
Laouen on bet ivez peogwir e oa al lec’h kentañ ma kaven sielloù. Lakaet siell Tsubouchi war ma c’harned neuze! (e Japan e lec’hioù zo ha tiez-gar zo e vez kavet sielloù gant un arouez pe ar savadur evit ober un dastumadenn anezho!)
Goude-se em eus ranket klask da zebriñ. Na ouien ket mat pelec’h mont met en ur gerzhet un tamm ‘m eus gwelet ar Mos Burger. Ur chadenn burger japanat eo, kemeret em eus ur rice burger evel-just! (D’am soñj e oa legumaj hepken e-barzh, n’on ket bet gouest da c’houzout re… Hemañ ‘oa ^^) Ur wech azezet, ar plac’h kozh n’em c’hichen zo kroget da gomz ganin… Komprenet ‘m eus “oichii” (a dalvez kement ha “lipous eo!”) met ne oa ket ma burger ganin c’hoazh neuze e kaven iskis. Da c’houde ‘m eus kredet kompren e oa o c’houlenn eus pelec’h e oan o tont… furansu neuze. Diskouez a rae ma dremm neuze n’ouzen ket ma kave just e oa ur penn iskis ganin 😀 (ar ger “kota” ‘m eus kredet kompren a war a seblant kotai a zo den, setu marteze e oa se.)
Ur wech debret hon aet davet Iliz-Veur Tokyo. Un tamm poan ‘m eus bet o kavout ma hent (trugarez vras Cartoville Tokyo! Savetaet on bet) met treuzet ‘m eus ur pont gant sakura brav ha pignet un tamm hag e oan erruet e-kichen an Iliz-Veur.
ilizveurUr sapre savadur eo, en diabarzh dreist-holl. Yen ha gris eo, uhel-uhel… An ograou dreist-holl a zo bamus (hini brasañ Japan ma ‘m eus komprenet mat).
Fellout a rae din mont betek un templ (Kishimojin) met n’on ket deuet a-benn da gavout an hent e lec’h ma ranken treiñ war Meguro-Dori. Erruet en arsavlec’h metro e oan faziet abaoe pell. Diegi ganin distreiñ war ma c’hiz ‘m eus divizet mont da Ikebukuro. Aze on bet betek Jiyu Gakuen Myonichikan, ur skol evit ar merc’hed e oa, Frank Lloyd Wright (tisavour amerikan) en deus treset an ti. Bremañ ez eus tu da weladenniñ ar savadur (hag evañ ur banne te ha kemer un tamm cake blaz sakura eveldon 😉 ) met d’am soñj e vez kentelioù c’hoazh ivez rak salioù klas zo a oa tud enno o labourat. myonichikanUl lec’h sioul eo met me soñje din kavout dedennusoc’h an tisavouriezh.
Distro e Ikebukuro e soñje din klask war-lerc’h stalioù met un tamm bras ar c’harter ha n’ouzen ket da belec’h mont resis ha Sunshine 60 (un tour bras a fell din mont enni) a seblante gwall bell eus an arsavlec’h. Distroet d’ar gêr neuze d’ober prenadennoù, lakaat dilhad da gannañ hag all. Da 9 eur hon eus bet emgav er Speak Easy gant 4 all eus ar strollad, an davarn-se a zo liammet gant ar guest house Tokyostay a ra war-dro hor tiez ha d’ar Meurzh eo nozvezh ar galleg (Lun rusianeg, Merc’her spagnoleg hag italianeg ha Yaou saozneg). Japaniz a zeu aze da glask pleustriñ war ar yezhoù a studiont neuze. Chomet on kalzig da gomz gant ur paotr met o paouez kregiñ gant ar galleg emañ setu e oa kentoc’h saozneg a-benn ar fin. Graet ‘m eus anaoudegezh gant 2 c’hall all ivez, o chom e ranndioù Tokyostay met o vevañ aze evit labourat e-pad un toullad mizioù (6 miz bennak). Un nozvezh plijus ur wech ouzhpenn! Bihan tout eo an davarn ha ret eo krediñ pignat er savadur, er skalieroù strizh ha tout… Ur gwir davarn eus Tōkyō ^^ Unan eus paotred ar strollad a zo bet bamet peogwir em boa graet tout an traoù ma-unan an deiz-se… ^^ N’eo ket re start pa brienter :p

Biz emañ ar park ha mirdi ar paper. Gwelet e vez mat al linenn dramgarr betek Waseda hag an Iliz-Veur. Ar skol a zo e-kichen Ikebukuro.

Biz emañ ar park ha mirdi ar paper. Gwelet e vez mat al linenn dramgarr betek Waseda  er Su.  An Iliz-veur a zo uheloc’h un tammig (ar muiañ er reter), ar poent all o vezañ ma fourmenadenn dic’hortoz pa oan kollet ^^. Jiyu Gakuen Myonichikan a zo e-kichen Ikebukuro.

(17965 paz)

Dizoloiñ Tōkyō

Da 9eur 30 e oa emgav gant ar strollad evit pourmen e Tōkyō. Emgav hon oa e ti-gar Iidabashi. Un tamm diwezhat on loc’het hag erruet justik d’an eur met an hini gentañ ‘oan! Graet ‘m eus anaoudegezh gant ar Japanad a gaso ac’hanomp da bourmen an darn vrasañ eus an amzer neuze. Un tamm diwezhatoc’h eo erruet tout an dud ha setu-ni o vont. yasukuniBet omp betek santual Yasukuni, ur santual skoemp un tamm peogwir eo dediet d’an arme hag all… Desket ez eus bet deomp penaos saludiñ an torii (an norioù bras a vez dirak ar santualioù, ruz peurliesañ), penaos puraat a-raok mont er santual, hag all. Gwelet hon eus liseidi o lidañ fin ar c’hentelioù.santualdaijinbuDa c’houde omp bet betek santual Tōkyō Daijingu a zo anavezet evit bezañ ar santual e lec’h ma ya ar merc’hed da c’houlenn sikour evit kavout ur c’haredig. Debret hon eus merenn en un ostaleri hengounel, azezet war al leur, dorioù a vez ruzet hag all. Mat-kenañ a oa ar boued (torisukidon). Iskis an dibenn-pred, un doare jelly diwar un evaj-laezh anvet Calpis a vez kavet e Japan. A-raok tapout ar metro davet ur c’harter all omp bet o welet ar gwez kerez tro-dro da gelc’h diavaez ar palez.
Aet omp betek templ Kan-eiji, bered Yanaka ha templ Tennoji. kaneiji

beredyanaka

tennojiTremenet omp dre Yanaka Ginza, ur straed gant ur bern stalioù bihan hengounel, un tamm blaz an amzer a-gozh. Me ‘m eus gwelet ur bern skritelloù gant kizhier kentoc’h ^^
yanakaginzaFin ar bourmenadenn a oa e santual Nezu-jinja a zo brudet peogwir ez eus ur bern torii ruz.
nezujinjaKaozeet hon eus ha merzet e oa skol-veur Tōdai nepell setu omp bet kaset betek enno ivez. Fentus eo evit al lennerien manga (Love Hina da skouer) hag ouzhpenn e oa devezh an diplomoù war a seblant ha tout an dud gwisket brav neuze.
todaiDa c’houde omp bet betek Ikebukuro, gant plac’h all ar strollad omp chomet da evañ ur banne kafe pa oa ar baotred e stalioù. Fier on bet da c’houlenn ma banne e Japaneg penn-da-benn! (ne oa ket re start ha neuze?)
Pep hini zo distroet d’ar gêr a-raok an emgav evit koan. Bet omp e Shibuya da zebriñ en un ostaleri izakaya. E seurt preti e vez ur pred ha dreist-holl ez eus tu da gemer forzh peseurt evaj ha forzh peseurt kementad. E-pad div eur ez eus tu da gemer pep tra! Ar pred-se a oa bet aozet evit ober anaoudegezh gant Japaniz a gaoze galleg. Taolioù bihan 4 den a oa, (2 ha 2 tamm-pe-damm) me oa gant ur gall o labourat e Bro Japan, Kenji hon heñcher hag ur mignon dezhañ, Hiromichi. Mat ‘oa ar boued ha tro ‘m eus bet da dañva umeshu (alkool ume, un doare prun) ha sake tomm. Kentoc’h mat an daou! Plijus ha fentus eo bet. Un toullad ac’hanomp o doa degaset chokolad pe gwestell da reiñ da dañva d’ar Japaniz, plijet kaer int bet. Ur “prof” ‘m eus bet e fin an nozvezh : ankounac’haet e oa bet e disglavier gant ar gall a oa ganin ouzh taol setu ‘m eus e dapet! ^^ (Disglavier n°1, demat dit!) Ur sapre nozvezh goude ur sapre devezh pourmen! 🙂

kartenn_25_03

Klaskit ti-gar Iidabashi (al lec’h loc’hañ). An takad glas dindan a zo enezenn ar palez. Goude-se omp pignet tro-dro da Ueno bepred. Al lodenn er Gwalarn a zo ma zi 🙂

= 21141 paz hervez ma 3ds ^^

Previous Older Entries

%d bloggers like this: