Kamakura

Glav e oa c’hoazh dimerc’her met ne oa ket un abeg evidon da c’hwitout war ar bourmenadenn e Kamakura. Emgav hon oa e ti-gar Shinagawa a-benn tapout an tren betek ti-gar Kita-Kamakura. Un ti-gar bihan tout eo! Du-hont hon eus kavet Isabelle, ur plac’h o vevañ du-hont  hag  a ra war-dro gweladenn ar gêr. Temploù e-leizh hag istor ar grennamzer.
Kroget hon eus gant Engaku-ji. Un dachenn vras gant un toullad savadurioù ha bouddhaoù disheñvel. Ur bern “triforce” a oa e pep lec’h! (arouez an den en doa lakat sevel an templ ma ‘m eus soñj mat). Pignet omp gant skalerioù evit gwelet ur c’hloc’h divent (teñzor broadel), ur sell brav a oa. Ur vered vrav a oa e-kichen ar skalieroù ha souezhet omp bet o welet merc’hed gwisket gant yukata o vezañ skeudennet, war a seblant e oa merc’hed brudet ^^

engaku-jitriforce(kalz eus ma skeudennoù a zo vil a-walc’h siwazh, abalamour d’ar glav-bil neuze ne lakin ket kalz)
Un tamm ehan gant ur banne kafe pe te tomm (‘m eus ket soñj) evidon, peadra da stourm ouzh ar glav un tammig! Bet omp war-lerc’h da welet Kenchō-ji (lakaat a ran liamm wikipedia peogwir al lec’hienn ofisiel a zo troet gant ur mekanik ha forzh petra eo ^^), unan eus temploù zen koshañ Japan. kenchoo-ji1Du-hont e c’haller gwelet ur Bouddha nec’hus a-walc’h, ur Bouddha treut-ki goude bezañ chomet da yunañ. Cheñch a ra eus ar boulom kofeg a weler ni… bouddha_kenchoo-ji

kenchoo-ji2C’hoarzhet ‘m eus abalamour d’ur skritell, war a seblant e vez laeret ar botoù pa vez an dud en templ! Iskis…botoùAr gwir a oa da sellet e-barzh ar sal pediñ met ne oa pedenn ebet. Plijus e rank bezañ tremen d’ar prantad mat evit gwelet ur bedenn bennak! Ul liorzh brav-tre a zo aze.kenchoo-ji_liorzhPlijus ‘m eus kavet al lec’hioù, peurrest ar strollad (graet ‘m eus anaoudegezh gant tud nevez a seblante plijusoc’h eget dilun!) hag an heñcherez. Un toullad traoù a zo da welet e Kamakura!
Kerzhet hon eus goude betek ar gêr, tremenet dre Tsurugaoka Hachiman-gū ha debret e-kichen an alez kerez a ya betek ar mor…

hachuman

sell eus ar santual gant an torii hag an alez betek ar mor na vez ket gwelet

Mat-kenañ ‘oa ar pred, domaj e vefemp erruet re ziwezhat evit gwelet an alez leun a sakura… kamakura_sakuraTapet hon eus un tren bihan betek Hase goude da welet ar Buddha bras e templ Kōtoku-in. Posupl eo mont e-barzh an delwenn en ur baeañ met n’am eus ket bet c’hoant mont. D’am soñj eo teñval ha mouest ha n’eo ket gwall dedennus ^^ Disheñvel ‘m eus kavet anezhañ eus hini Nokogiri hag ul liorzh bihan korean brav a zo a-dreñv, plijus eo.

War a seblant eo ral gwelet evned war penn Bouddha hag e toug chañs...

War a seblant eo ral gwelet evned war penn Bouddha hag e toug chañs…

daibutsu2

Botoù Buddha!

Botoù Buddha!

daibutsu4Goude omp bet da welet templ Hase-dera . hase-dera1

Ur vilin-pediñ mentet bras!

Ur vilin-pediñ mentet bras!

hase_panohase_dera2hase_dera_liorzhmougevbentenEvit echuiñ omp bet betek ul liorzh brav gant mougev Benten (Benten-kustus) a-raok adkemer trenoù davet Tōkyō. trenhaseUn devezh leun-mat ur wech ouzhpenn!
Diouzh noz eo deuet “ar re all” (J, B, E, S, S hag A) betek ma zi ha c’hoariet hon eus d’un doare “loup-garou de Thiercelieux” betek 1eur30 beure…

Kamakura e-keñver Tokyo.

Kamakura e-keñver Tōkyō.

Ha Kamakura a-dost! Kroget omp e Kitakakura ha diskennet tamm-ha-tamm.

Ha Kamakura a-dost! Kroget omp e Kitakakura ha diskennet tamm-ha-tamm.

(16 467 paz)

Advertisements

1 Evezhiadenn (+add yours?)

  1. Trackback: Sul 7 | E skeud ar bleuñv kerez

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out /  Kemmañ )

Google photo

Emaoc'h oc'h ober un evezhiadenn gant ho kont Google Log Out /  Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out /  Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out /  Kemmañ )

War gevreañ ouzh %s

%d bloggers like this: