Hakone

Beure-mañ on savet abred a-walc’h a-benn mont da Hakone, unan eus lec’hioù touristelañ Bro Japan. E-kichen al lennoù a zo tro-dro da venez Fuji emañ Hakone, menezioù a zo ha tout. 15 a dud e oamp o vont kuit eus ti-gar Shinagawa ha kaset omp bet gant ur bus prevez. Un eur hanter bennak hon eus lakaet evit tizhout Hakone (kousket ‘m eus a-hed ar veaj pe dost). Glav a oa pa omp erruet e Hakone. Bet omp o welet santual Hakone (Hakone-jinja), un torii brav-eston a zo aze, gant ur sell war ar mor…hakone_jinjaUr santual bet adsavet gant ar shogun kentañ (memes paotr ha Kamakura!) eo. Bet omp betek “kreiz-kêr” Hakone goude da zebriñ. Debret ‘m eus tempura pesked ar vro :  dluzh kanevedenn ha pesked bihan doare sardin un tamm. Mat-tre ‘oa! merennWarlerc’h omp bet da welet Hakone Sekisho. Hakone a oa un “checkpoint” war hent Tōkaidō (an hent etre Tōkyō ha Kyōto da vare edo). Un doare kêriadennig/mirdi eus mare edo eo neuze bremañ.hakonesekishoProfitet ‘m eus evit kemer ur banne kafe gant laezh (tomm) peogwir em boa riv un tammig. C’hoarzhet ‘m eus mat, me lâr deoc’h! (skrivet e galleg, gant un dresadenn stil tiez Pariz hag ur banniel tri-liv… Al livioù a zo ar re vat met an urzh… :D) Pignet omp en-dro er bus (goude bezañ dizoloet un tamm artizanelezh Hakone, ar marketerezh!) ha davet ar menez da welet ar “menez-tan” (aezhenn sulfur)! E-kerzh ar veaj e oamp holl o klask tapout skeudennoù eus menez Fuji! Oa ket ordin gwall vrav an disorc’h… ^^ Parket eo bet ar bus da live ti-fun-garr Owakudani. Kalz bravoc’h oa an amzer ha gwelet hon eus menez Fuji!! Digredus!! ^^menez_tanfujisanHeñcherez an devezh a oa plijus-tre hag amzer hon eus bet da dañva an ûoù du a zo sañset da lakaat da c’hounid 7 bloaz buhez hag all (Krog on da brenañ traoùigoù droch evidon anzav a ran…).kurotamago kurotamago_skritellGoude-se omp bet betek an ostaleri, ur ryokan hengounel eo. Ostaleri Shinanoki eus ar strollad letioù Ichinoyu eo. Un tamm aon ‘m eus bet o welet e oan bet lakaet er gambr gant paotred (an heñcherez a oa sañset da vezañ ganin met distreiñ a rae da d/Tōkyō a-benn ar fin) met un emglev hon eus bet ha kemeret ‘m eus kambr an heñcher evidon ma-unan ^^
Ur gambr glasel eo (lakaat a rin skeudennoù moarvat). Bet on en onsen gant div blac’h all, gwisket e yukata hag all. An onsen diabarzh a oa tamm-pe-damm evel hini Nokogiri met an hini er-maez en deus plijet ar muiañ din!! 😀onsenHa goude-se da zebriñ koan (ur sapre pred, gant nabe hag ur bern traoù all) ha distroet d’an onsen ur wech all!pred_koanMont a refomp ivez warc’hoazh beure a-raok mont kuit 😉
Goude an eil troiad onsen e oa emgav e “kambr ar merc’hed” (all!) gant daou baotr a oa er pred ninja da evañ umeshu… C’hoarzhet hon eus oc’h ober goap eus an drama japanat ha korean a oa er skinwel… Un devezh a-feson ^^

kartenn_pell

Sell a-bell

kartenn_hakone

(diskarget ‘oa ma 3DS neuze n’am eus ket an niver a bazioù)

Advertisements

2 Evezhiadenn (+add yours?)

  1. Pakou98
    Ebr 10, 2013 @ 18:21:50

    Hello,
    brav ha plijus war ar seblant. Hast klevet an holl traoù a to da gontañ.
    Echu gant al levrioù, c’hoant reiñ vitaminoù da v/Mariko…
    War ar seblant ne c’hoazh ket ar gouarnamant gant aferioù korea an hanternoz, gwelet a ri o tistreiñ da d/Tokyo moarvat.

    Respont

  2. dervnewg
    Ebr 11, 2013 @ 14:27:54

    Ya! Kalzig dale ‘m eus tapet peogwir e oa start kaout ar rouedad e Kyoto!
    Spi ‘m eus e c’hallin adtapout an dale.
    Ok evit al levrioù, tu ‘vo da gomz diwar-benn se hiroc’h pa teuin en-dro!
    N’am eus ket heuliet re ar c’heleier, spi ‘m eus n’eus netra re c’hrevus…

    Respont

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out /  Kemmañ )

Google photo

Emaoc'h oc'h ober un evezhiadenn gant ho kont Google Log Out /  Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out /  Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out /  Kemmañ )

War gevreañ ouzh %s

%d bloggers like this: