Okayama ha Kurashiki

Setu me prest da weladenniñ Okayama! Glav ‘ra un tammig, tapout a ran ur skeudenn eus an diavaez a-raok kuitaat ar gambr…Sell-ostaleri-okayama Da gentañ e rankan ober war-dro ma malizenn da gas d’an aerborzh. Un tamm torr-penn eo bet rak ne felle dezho kompren netra (padal ‘moa skrivet pep tra splann) gant aon ober fazioù moarvat. Pellgomzet o deus neuze da skipailh lec’hienn booking evit bezañ sur o doa komprenet mat… Hir spontus eo bet neuze met eüruzamant eo tremenet mat dre bellgomz ha goude e oant suroc’h. Laosket ‘m eus ma sac’h kein en degemer a-raok mont da welet kastell Okayama.okayama-kastell-1okayama-kastell-2okayama-kastell-3Ne oa ket kalz a dud er c’hastell, evel boaz, un tamm diskouezadeg bennak ha pignat betek lein ar c’hastell. Ur sell a-feson a oa eus aze.AsahiGoude-se ‘m eus treuzet rinier Asahi evit mont betek liorzh brudet Korakuen. N’am eus ket kavet ken brav hag ar c’henrokuen met an aergelc’h en deus plijet din kalz ha c’hoant am befe a-walc’h da zistreiñ da vareoù all eus ar bloaz gant gwez e bleuñv pe me oar.

This slideshow requires JavaScript.

Okayama

Okayama

Tro kreisteiz on distroet da dapout ma sac’h kein a-raok mont da di-gar Okayama. Poan spontus ‘m eus bet o kavout ul locker evit e boz, graet ‘m eus meur a wech tro an ti-gar en aner! Tud all a oa eveldon… D’am soñj ‘oa ur c’hrogad sport bennak rak ur bern tud a oa gwisket pe o werzhañ traoù evit skipailh Okayama, marteze eo abalamour da se e oa ken start kavout plas evit ma sac’h! Pa oan krog da soñjal mont kuit betek Kurashiki gant ma sac’h kein ‘m eus gwelet ur paotr kozh o tont da gerc’hat e draoù en ul logell! Burzhud! Deuet on a-benn da lakaat ma sac’h. Chomet on da zebriñ ur burger e MacDo an ti-gar (erruet skuizh gant an droiad ‘m eus bet c’hoant tapout un dra aes ha buan) a-raok tapout an tren (JR Sanyo Line a lak ur c’hard eur bennak evit mont) da Gurashiki. ti-gar-KurashikiUr gêr vihan gant ur bern lodennoù miret brav eo. Bet on da gentañ o weladenniñ ti Ohashi, un ti kozh a oa bet perc’hennet gant marc’hadourien.

This slideshow requires JavaScript.

Goude-se on pourmenet dre garter Bikan, betek mirdi Ohara hag an Ivy Square. Ar mirdi a zo hini koshañ Japan a-fed arz kornogat. Plijus-tre ‘oa ha fromet on bet un tamm o welet un daolenn gant Séruzier du-hont! Bras kenañ eo ar mirdi e gwirionez peogwir ez eus meur a savadur, reoù zo dediet d’an arzoù japanat ivez hag ul lodenn anvet mirdi Kojima un tamm pelloc’h. D’am soñj n’am eus disoñjet lodenn ebet e-kerzh ma fourmenadenn. Bet on goude en Ivy Square neuze e lec’h ma oa un diskouezadeg stalioù jeans, rak jeans a zo bet graet kalz e Kurashiki gwechall. Dedennus! Chomet on a-sav da dapout ur banne matcha latte ha diskuizhañ ma zreid un tammig. Ur seurt drama a oa o tremen aze, gant ur plac’h o ouelañ dourek ha tout. N’am eus komprenet seurt met iskis ‘oa an aergelc’h…

This slideshow requires JavaScript.

Plijus spontus ‘m eus kavet kêriadenn Kurashiki, brav eston ha leun a draoù d’ober, peadra da dremen un devezh (pe un hanter hini evidon) a-feson!

Kurashiki

Kurashiki

War an hent da Okayama (tren JR Sanyo Line bepred) e oa ur bern krennarded o tistreiñ ur genstrivadeg sport, kyūdō (gwaregata hengounel japanat) ?DSC08920 Tapet ‘m eus ma sac’h en ti-gar a-raok tapout an tren da Kobe (Hikari 480 betek Himeji ha JR Special Rapid Service betek Sannomiya). Diwezhañ arsav ma beaj…
DSC08922Poan ‘m eus bet o kavout ma ostaleri, aet e oan dre an nor vat koulskoude (hini ar reter) met eus tu fall an hent-houarn setu na welen ket ma ostaleri Toyoko Inn Sannomiya 2. Aze ivez eo bet un tamm start e-keñver saozneg (un istor gant kempenn ar gambr), souezhusoc’h c’hoazh pa ouzer pegen etrevroadel eo Kobe! Ma. A-greiz-holl ‘m eus bet soñj em boa laosket ar prof evit an dud a welin warc’hoazh em malizenn! Pebezh penn-skañv… Erruet ul lodenn vat eus ma c’hartennoù post ivez hervez kont. Profoù ‘m eus bet ur wech ouzhpenn, n’eo ket displijus ar gambr (estreget ar gweledva nul), pellgomzet ‘m eus da A. & J. a welan warc’hoazh evit kaout emglev, bet o kemer un dra er Mos Burger e-kichen ha tremenet un nozvezh trankil en ostaleri en ur sellet ouzh ur film er skinwel ^^ostaleri-KobeDSC08926kartennhollek(20 394 paz)

Advertisements

Hiroshima

Debret dijuniñ en ostaleri, mat e oa. Bet omp gant E&S betek kastell Hiroshima, dre ar park. Sioul ‘oa an traoù hag un diskouezadeg dedennus ‘oa diwar-benn tokarnoù e stumm loened! Siwazh ne oa ket ar gwir da dapout skeudennoù.hiroshima-diskouezadegkastell-hiroshimasell-hiroshimaBet omp goude da straniñ e stalioù ar straedoù kenwerzhel, prenet ‘m eus ur re bravigoù-skouarn luchador met siwazh eo fals bravigoù (da biñsañ war ar skouarn) 😦 … a-raok mont da v/Mac Donald’s da dañva an hamburger ispisial evit an diskar-amzer (kroget adalek hirie) gant togoù-touseg (Kinoko Tsukimi burger, nevez ar bloaz-mañ). Kemeret ‘m eus ivez ar Mc Shake patatez dous (n’eo ket ken mouk hag ar pezh a vez lâret ^^).
mac-do-diskar-amzerGoude-se on bet o kerc’hat ma sac’h kein en ostaleri ha d’e lakaat en ti-gar. A-raok mont da bourmen betek park Hijiyama. Un dorgenn eo e Hiroshima hag ur sell brav a zo eus an uhel. Un aergelc’h all penn-da-benn. hijiyamaBet on o welet levraoueg kêr ispisial manga, sioul an traoù… DSC06730A-raok mont da welet mirdi arz a-vremañ a zo e-kichen.DSC06739Dedennus ‘oa an diskouezadegoù. Ispisial-tre oa an eil, gant oberennoù Doris Salcedo, awenet gant darvoudoù ar 6 a viz Eost 1945. Anzav a ran on bet fromet…
Deuet on a-benn da dapout tren 4e17 evit mont betek Kyoto. Tremenet mat ar veaj.
Erruet on tro 6eur30 ha bet betek an ostaleri war droad… Ur sapre fazi! 5 kilometr ‘m eus bet d’ober gant ma sac’h kein pounner!! Skuizh marv e oan hag erruet on tro 8eur noz. N’on ket bet plijet kement-se gant ar guest house (Hannari) ouzhpenn…kambr-kyotoUn tamm diwezhatoc’h ‘m eus adkavet E&S evit debriñ koan en ur chadenn simpl (matsuya) met n’am eus ket bet c’hoant da straniñ re…kartenn_17_gwengolo(28 874 paz)

Beurevezh e Miyajima ha mont da Hiroshima

Savet omp trankil beure-mañ. Keuz ‘m eus bet peogwir e oa izel un tamm ar mor ha moarvat e vefen bet gouest da vont da douch an torii ma vefen bet primoc’h. Ma!
toriiBet omp o troiata evit kavout boued goude. Tapet hon eus jug frouezh fresk (ananas ha kiwi evidon) hag ur melon-pan gant skorn… Un tamm pounner an dra! ^^melon-pan-skornGoude-se omp bet betek templ Toyokuni (pe Senjokaku) gant ar pagodenn 5 estaj (Gojunoto). Sioul ‘oa an traoù…kichen-toyokunitoyokunipagodenn-toyokuniBet omp war-lerc’h e santual bras Itsukushima. Izel oa c’hoazh ar mor avat neuze ne oa ket ken brav a war skeudennoù zo, met tud nevez a oa oc’h ober skeudennoù evit o eured!itsukushimaitsukushima-2 Pourmenet omp un tamm war an draezhenn da c’houde hag un tammig aon hon eus bet, gwall vuan e pigne ar mor a-greiz-holl! ^^ Kalz nebeutoc’h a dud a oa er straedoù, moarvat peogwir e oa devezh gouel broadel e Japan dec’h ( Keirō no Hi, devezh an dud kozh) e oa muioc’h a dud. Aze e oa sioul a-walc’h an traoù (kalz strolladoù touristed a bep seurt met gouzañvus).
Tapet hon eus ferry 12e40 ha bet davet Hiroshima. Un tamm torr-penn eo bet erruout peogwir e oan faziet mik beure-mañ en ur sellet ar gartenn evit gouzout pelec’h ‘oa an ostaleri, setu hon eus kerzhet kalz evit tizhout an ostaleri hag erru oan skuizh marv. Erruet ‘oa ma malizenn ^^ ha dispar eo an ostaleri (Urbain Hiroshima Central) : evajoù digoust a c’haller kemer a-hed an deiz, dijuniñ digoust, mekanik da gannañ digoust ha sec’herez ivez…
Ur bern produoù da n’em walc’hiñ er c’hambreier… Un dra a hegas ac’hanon hepken : ne vefe ket tu da welet dre ar prenestr na da zigeriñ 😦 Met mod all eo dispar evit ur priz ken izel!
Bet omp o pourmen goude e straedoù kenwerzhel goloet Hiroshima. N’hon eus prenet netra met un toullad traoù a felle din kemer e stalioù c’hoarielloù pe dilhad… >< C’hoariet hon eus gant E d’ur c’hoari taito bras a vez er c’hreizennoù c’hoarioù video. Gounezet ‘m eus :p
Da c’houde e oa erru naon ganeomp neuze omp bet o klask ul lec’h evit tañva okonomiyaki Hiroshima! Kavet hon eus unan e 6vet estaj savadur GAIA PACHINKO (treuzet hon eus ul lec’h gwall drouzus neuze!!) kichen an ti-gar, anvet HOPE. Mat-kenañ ‘oa (reoù disheñvel hon eus tapet ha tañvaet pep hini reoù ar re all). Keginet e oa dirazomp hag er fin ar perc’henn en deus goulennet diganeomp skrivañ ur gerig war e voger ^^okonamiyaki-hiroshimahiroshima-gerigouTapet hon eus un dibenn-pred a-raok mont d’ober war-dro hon dilhad. Tremenet kalz gwelloc’h pep tra (kannadenn ha sec’hadenn)! Prest eo ma malizenn en-dro ha ma sac’h…kambr-hiroshima Hag ar programm a-benn warc’hoazh! C’hoariet ‘m eus da glask lakaat blev malvennoù faos bet prenet en ur 100 yen shop met n’on ket deuet a-benn -.- Ret ‘vo klask en-dro XD
kartenn_16_gwengoloKartenn_16_gwengolo_bras

(14 602 baz)

Miyajima

Sell eus ma c'hambr...

Sell eus ma c’hambr…

Kousket mat ‘m eus er gambr doare ryokan. Tro 9eur em boa emgav gant E&S evit debriñ lein. Mat ‘oa! Goude-se omp aet kuit da bourmen, bet omp betek penn-kentañ ar valeadenn evit pignat davet ar menez Misen, e park Momiya. 10e20 ‘oa pa on kroget gant an 2.5 km (hent Momoji Dani ‘m eus tapet)! Start eo bet met plijus. N’am eus gwelet estrañjour-ez all ebet ha nebeut ha dud dre vras. Da 11e15 on erruet e fin an hent, da 1.9 km.DSC06465 Bet on neuze betek arsav-lec’h ar fungarr (300m pelloc’h) da c’hortoz E&S. DSC06398Un tamm hir eo bet met erruet int a-benn ar fin. Bet omp asambles neuze betek lein menez Misen (1 km pelloc’h). Brav-kenañ eo krec’h, ur bam!pano_menez_misen Ouzhpenn da bevar kilometr am bo graet o pignat ha diskenn er menez a-benn ar fin! Diskennet on gant ar fungarr avat. DSC06473Un tamm skuizh e oan goude. Debret hon eus traoùigoù prenet er straedoù (kistin, bignez ha traoù a bep seurt evel-se) a-raok distreiñ d’an ostaleri da gemer “adverenn” ha da vont d’an onsen evit ar merc’hed. Plijus-tre oa 🙂

Goude omp bet o welet an heol o vont da guzh met gwall guzhet e oa just a-walc’h abalamour d’ar c’houmoul neuze ne oa ket ken brav-se. miyajima-torii Ur festival a oa e templ Daisho gant gouleier ha tout betek 9eur noz (ma skeudennoù a zo vil euzhus avat 😦 ). Bet omp d’ober un dro a-raok distreiñ d’ar preti dispar, da dañva traoù all ar wech-mañ!

Tempura legumaj

Tempura legumaj

Gratiñ istr (hag un tañva eus tri doare alkool prun disheñvel)

Gratiñ istr (hag un tañva eus tri doare alkool prun disheñvel)

Pudding Miyajima (gant a bep seurt aozennoù lec'hel)

Pudding Miyajima (gant a bep seurt aozennoù lec’hel)

Stranet un tamm er gambr ha setu me o skrivañ deoc’h. Paket eo ma sac’h, ha warc’hoazh e kendalc’hfomp da bourmen un tamm (santualioù ha temploù moarvat) a-raok mont da Hiroshima! kartenn_15_gwengolo(17 071 paz)

Sulvezh kostez Iwakuni

Poent e oa klozañ pep tra ha prientiñ da dapout an tren! Divizet hon eus mont betek Iwakuni a-raok mont da vMiyajima. Kemeret hon eus traoùigoù da zebriñ e «vie de france» ha tapet an tren kentañ da 10eur30. Spi ‘m eus e adkavin ma malizenn e Hiroshima ^^tren-iwakuniEn tren ‘m eus debret ma c’hroissant fav ruz ha ma doughnut bihan sitrouilhez. Mat ‘oa met un tamm poan gof ‘m oa goude. Erruet omp e Shin-Iwakuni hag un tamm nec’het e oamp : pelec’h laoskel ar seier? Penaos mont betek pont Kintai (ar pezh a felle deomp gwelet)? Un tamm skuizh ha dinervet oamp tout, santet ‘m eus oamp imoret fall un tamm, aon ‘m eus bet o defe bez keuz selaou ouzh ma c’hinnig. A-benn ar fin omp erruet digudenn betek ar pont. Un tamm poan hon eus bet o kavout peadra da zebriñ avat, evurusamant e oa ur 7/11! Debret hon eus en disheol peogwir e oa tomm-berv ur wech ouzhpenn. bento-iwakuniAet omp goude betek ar pont a oa o vezañ dreset siwazh neuze ne oa ket gwall vrav da welet 😦kintai-kyoBet omp eus tu ar menez da bourmen (e park Kikko) ha pignet gant ar fungar betek lein ar menez! Ur c’hastell a zo aze war an uhel, ur bam!
kastell-iwakuniUn doare mirdi a zo e-barzh hag ur sell eus ar bravañ war ar mor hag ar menezioù… Na brav!kintai-kyo-mirdisell-eus-kastell-iwakuniLaouen e oan bezañ deuet.
fungar-iwakuniDiskennet omp en-dro met serret e oa dija lodennoù zo eus an traoù da welet. Pourmenet omp e-kichen un templ (pe santual Nishikigawasui ?) a-raok distreiñ sioul da dapout ar bus hag all.iwakuni-1iwakuni-2 Chañs bras hon eus bet e keñver timing bewech! Erruet omp a-benn ar fin e Miyajima ha kavet buan al leti (Sakuraya). Iskis e oa gwelet kement a estrenien pep lec’h (goude ar matsuri hag Iwakuni a seblante bezañ kentoc’h lec’hioù touristel evit Japaniz). Ur festival ‘vo war a seblant warc’hoazh da noz se n’eo ket fall! C’hwitet hon eus ar c’huzh-heol met bet omp o tebriñ boued mat kenañ en ostaleri mame tanuki (ur c’hurri japanat gant riz ha istr fritet evidon = menam!) hag o pourmen kostez an torii diouzh noz. Setu, gwelet ma “Nihon sankei” kentañ (tri gweledva bravañ Japan) ! kuri-istrtorii-nozN’on eus ket bet amzer da vont en onsen araok na serrfe met tu ‘vo da vont warc’hoazh! E&S n’o deus ket c’hoant mont d’ober ar valeadenn setu e rin ma unan met n’eo ket gwall dra 🙂
Setu me er gambr o sellet ouzh ar skinwel japanat, hep rouedad (mont a ra en-dro un tamm er sal degemer ha setu tout…). Hast ‘m eus da welet an enezenn diouzh an deiz! 🙂kambr-miyajima

kartenn_14_gwengolo

Hentad etre Osaka (a-zehou), Iwakuni (muiañ a-gleiz) ha Miyajima

kartenn_iwakuni

Kartenn Iwakuni

kartenn_miyajima

Miyajima

(13 989 paz)

Hiroshima

Savet on tro 6 eur beure evit mont kuit da dapout ma zren. Diouzh ar beure on bet dihunet gant ur fiñvadenn ha diouzh noz ‘m eus gouezet e oa bet ur c’hrenn-douar bras e-kichen Kobe (an hini kentañ din santout abaoe on erruet). Skañv e oa met santet em eus ar gwele o fiñval e-pad un 20 pe 30 eilenn bennak… (Iskis e oa peogwir e oa F a-us din o treiñ just d’ar mare-se neuze na ouien ket ma oa se pe ur c’hrenn-douar, gouzout a raen e oa iskis rak da gustum ne oa ket evel-se pa fiñve ^^)
Un toullad tud a oa tro 6e30 er sal-debriñ ha chomet on da gomz gant ur c’houblad Spagnoled a oa o vont da Hakone. Laouen-tre oant. Rentet ‘m eus tout ma zraoù ha lâret kenavo d’ar re a dape ar c’harr-nij hirie… Erruet on en ti-gar tro 7eur05 evit un tren da 7e20. En ur ziskouez ma JR ez eus bet lâret din e oa dale gant ma zren. Ma… Iskis! Aet on betek ar c’hae memes tra ha gortozet dirak ar wetur 6 e lec’h ma oa ma flas miret (skrivet eo mat spontus pelec’h emañ ar gweturioù ha tout).kae13_beure gwetur6_beure Un tren N700 e oa ha sellet eo bet eus an tikidi. (laouen on rak an tikidi da virout plasoù na vezont ket lonket un toullad tikidi a chomo ganin neuze evel eñvorenn!) Ur plas e-kichen ar prenestr ‘m eus bet hag er renk kentañ neuze e oa ur bern plas. Peadra da adkargañ an 3DS diskarget, da boz ma zraoù trankil… prenestr_trentren_davet_hiroshima

Ouzhpenn 310km a zo etre Kyōto ha Hiroshima

Ouzhpenn 310km a zo etre Kyōto ha Hiroshima

Hag internet ivez! Me ne ouien ket a-raok erruout e Shin Osaka e lec’h ma paouez ar servij-se. Ha dale ‘zo bet gant an tren, evel raktreset! Digredus, hañ? Erruet on da 9e25 e plas 9e05 e Hiroshima. Ma. N’eo ket grevus. Amzer din kavout pelec’h e oa tu din poz ma sac’h kein evit an deiz ha setu-me war an hent. Bet on da gentañ el liorzh a zo e-kichen an ti-gar (eus tu all ar stêr), Shukkeien. Ur valeadenn blijus. shukkeienUr wech echu gant ma zroiad ez eus ur paotr kozh a oa o labourat aze a zo chomet da gomz ganin, fentus oa ^^ Goude on bet betek liorzh ar c’hastell met n’on ket bet o weladenniñ.kastell_hiroshimaBet on war-lerc’h betek liorzh ar peoc’h en ur dremen da gentañ dre ar Genbaku dome. genbaku_domeFromus-tre eo gwelet ar savadur-se. Un aergelc’h plijus-tre a oa e Hiroshima gant an heol splann. Ur blaz un tamm european e lec’hioù zo, amerikan un tamm gant ar ruioù bras. Un doare Tōkyō bihan a-benn ar fin! Touristel met en un doare plijusoc’h evit Kyōto. O pellaat eus liorzh ar peoc’h e santen souezh ar Japaniz o welet ac’hanon (er privezioù er greizenn kenwerzh dreist-holl), ar selloù hanter fent pa glasken komz Japaneg. D’am soñj e kavont plijus zoken m’eo berr ma strivoù. Ur gêr iskis eo Hiroshima peogwir ez eus ur bern lodennoù dindan douar evit an droadeien, ar straed o vezañ evit an tramgarr hag an otoioù. N’eo ket displijus met gant an heol bras e oa gwelloc’h din chom er maez!park_peoc_hBet on goude e liorzh ar peoc’h hag er mirdi. Pellik e pell gweladenn ar mirdi met dedennus, fromus ha pouezus eo me gav.a_raok_bomb_agoude_bomb_a

"Black rain" dilerc'hiadoù nukleel a zo bet goude ar vombezenn...

“Black rain” dilerc’hiadoù nukleel a zo bet goude ar vombezenn…

Dipitus eo met n’am eus debret okonomiyaki ebet peogwir ne oa ket naon a-walc’h ganin hag en ur stal en deus fellet din kemer unan d’ur mare zo ha gwelet ‘m eus e oa ur c’hozh tra adtommet er skinforn neuze ‘m eus ket bet c’hoant…
Oc’h adpignat al liorzh e oa tud o seniñ sonerezh klasel. E-kichen ar genbaku em eus klevet ton Bach a blij din kement (Toccata and Fugue in D minor?). Un degouezh iskis, evel prantad ur film un tammig, digredus a-walc’h pa gontan ^^

Un tamm poan ‘m eus bet o kavout an hypokreizenn kuzhet en ur straed e-kichen ar genbaku ha goude-se e kaven un tamm berr an amzer evit mont da welet stalioù. hypokreizennkartenn_hiroshimaBet on neuze betek an ti-gar sioul, adkemeret ma seier, prenet boued a-benn koan en tren ha tapet adverenn a-raok mont en tren.
N’eo ket ken cheuc’h an tren (Sakura) daou blas a bep tu, met n’eo ket ur gudenn. N’on ket deuet a-benn da lugañ d’ar rouedad (koulskoude e oa kinniget ar servij evel e tren ar beure). Cheñchet ‘m eus tren e Shin-Ōsaka, hag en eil tren em eus profitet evit debriñ koan…bento_tren

Tro 675km a zo etre Hiroshima ha Tōkyō!

Tro 675km a zo etre Hiroshima ha Tōkyō!

Plijus e oa adkavout Tōkyō, ma c’hambr, Ōtsuka… N’eus ket cheñchet kalz tra war a seblant! Un nozvezh a oa gant an ajañs e tavarn Speak Easy met re skuizh e oan evit mont.

(19 584 paz)

%d bloggers like this: