Sushi e Ikebukuro ha Namco Namja Town

Dilun omp bet da Ikebukuro. Fentus ‘oa gwelet en-dro lec’hioù a anavezemp mat. Bet omp en Tokyu Hands, e kreizenn kenwerzh Sunshine… Bet omp o tebriñ sushi a dro ivez, mat-kenañ ‘oa ha ne oa ket ker!sushi-ikebukuro-1

DSC06964Goude se omp bet da Namco Namja Town, un doare kreizenn dudi iskis gant boued ivez. A bep seurt aergelc’hioù a zo. DSC06981A-benn ar fin e oa plijus pourmen hepken evel hon eus graet (kemeret hon eus ur skornenn ivez met ne oa ket dreistordinal).DSC06970 An tu “spont” gant istorioù hengounel Japan a oa spontus e gwirionez, graet mat-tre! DSC06984namco-namja-town-3namco-namja-town-4Laouen e oamp o vezañ bet a-benn ar fin. Bet omp goude betek ur savadur gant ur bern stalioù dafar cosplay. ikebukuro-cosplay-1ikebukuro-cosplay-2Distroet omp d’hon ostalerioù a-raok mont da zebriñ. Bet omp en ur preti japanat, ne oa netra e saozneg… Un tamm trapet e oamp! Mat ‘oa ar boued met ker a-walc’h (d’am soñj hon eus bet da baeañ an dour). C’hoarzhet hon eus mat peogwir ‘m eus galvet an ostizez hep gouzout din en ur douch ur seurt boest gant sinoù ar zodiak a oa war an daol… boest-galv-iskisUn tamm naon oa ganeomp en ur guitaat ar preti, bet omp neuze o kemer un dibenn-pred er c’hombini a-raok mont da gousket!

(15 381 paz)

Advertisements

Tokyo Game Show ha pourmen kostez Ueno

Emgav ‘m eus bet da 10 eur gant E&S evit mont betek an Tokyo Game Show : devezh diwezhañ an abadenn, eil o vezañ digor d’an holl.TGS-2014-1 Erruout omp un tamm goude kreisteiz neuze peogwir e tremen e Makuhari Messe e Chiba, un tamm e diavaez Tokyo. Aes eo bet mont e-barzh daoust d’an niver a dud. Ur wech e-barzh : tud, trouz, teñvalijenn, skrammoù ha trouz c’hoazh! TGS-2014-2Ne oa ket re start n’em adkavout en teir sal vras a oa met ne oa ket aes mont war-raok abalamour d’an niver a dud!

Ur bern traoù oa da welet met siwazh e oamp erruet re ziwezhat evit darn vrasañ an “tikidi” a veze roet d’an dud evit c’hoari. Ne oa ket tu da c’hoari neuze 😦TGS-2014-3Bet on me e stal Capcom d’ober un dro met santet ‘m eus e oa badaouet ma mignoned, c’hoant gante mont kuit. Chomet vefen a-walc’h pelloc’h da glask standoù bihan, c’hoarioù “emren” muioc’h met ma unan n’em befe ket padet pell moarvat.

Ma! Adkavet ‘m eus anezho ha bet omp kostez Ueno. Ur plac’h he deus profet din un evaj en ti-gar peogwir ne gomprenemp ket e oa ret paeañ gant ar gartenn Suica.evaj-ueno E a felle dezhi mont d’un tabeodai sushi resis. Klasket hon eus war-lerc’h ar preti e-pad pell spontus, bet zoken o pourmen un tammig e liorzh Ueno, debret ur vananezenn gant chokolad… met roud ebet eus ar preti. DSC06946DSC06951bananez-chokoladGwall skuizh e oan erru p’hon eus komprenet e oa serret al lec’h, ur preti all e plas. Ma, bet omp da zebriñ er chadenn burger “Lotteria”, me ‘m eus tapet ur banne tomm (pumpkin latte) en Tully’s ha setu ni en-dro o straniñ e stalioù a-raok distreiñ d’ar ger. DSC06956DSC06957Ur gibelladennig ha da gousket 🙂kartenn-21-gwengolo

(22 473 paz)

Devezh e Nagoya

Disadorn hon oa emgav da 9 eur evit mont da di-gar Kyoto. Digudenn omp erruet evit tapout tren dek eur a felle deomp tapout. Ha setu ni o vont davet Nagoya! Berr a-walc’h eo ar veaj (un hanter-eur bennak). kartenn-kyoto-nagoyaBet omp neuze da welet un templ bras a blije da E (chomet e oa e-pad ur pennad e Nagoya e-pad he beaj kentañ, pemp bloaz zo) : Ōsu Kannon. Ur strollad studierien n’eus lammet warnomp evit respont d’ur goulennaoueg evit gouzout perak e teue touristed da welet ar c’harter. Jentil ‘oant ha profet o deus deomp un origami, fentus ‘oa. Brav ‘oa an templ met iskis ‘oa ar pichoned e-leizh a oa e-kichen, un tamm spontus zoken. osu-kannonTremenet omp goude dre straedoù goloet gant stalioù, en o-zouez ur stal “Alice” gant un nor izel tout da dremen, fentus e oa. Brav e oa ar stal (met ur gward n’eus difennet din kemer ur skeudenn!). E ha me hon eus kemeret peb a re bravigoù-skouarn. Bet omp o tebriñ en ur fast-food doare Yoshinoya bepred. Un tamm pounner ‘oa ar pred!
Bet omp da c’houde davet an Oasis 21 ur pezh kreizenn kenwerzh. Ur festival tro-dro da Hawaii a oa gant sonerezh ha dañs. oasis-21 E-kichen tour an tele hon eus gwelet ivez ur strollad idol : SKE 48 (Sakae 48). Ne oant ket 48 evel-just met fentus ‘oa ha dic’hortoz!

Pourmenet omp c’hoazh un tamm e stalioù levrioù a-raok mont d’an ti-gar en-dro da gemer hon seier ha da vont en tren. Hir a-walc’h e oa ar veaj ar wech-mañ. kartenn-nagoya-tokyoErruet omp e Tokyo neuze, kollet un tamm gant ar morad a dud, ur familh n’eus bet c’hoant sikour ac’hanomp met ne glaskemp ket omp hent kement-se, just badaouet gant an dud…
Ma, deuet omp a-benn da vont betek Suitengūmae ha bet en hol letioù (ma hini a zo Hokke Inn Nihonbashi). Goude bezañ bet graet an check-in on bet o prenañ traoùigoù da zebriñ el Lawson nesañ. Gwall skuizh e oan forzh penaos. Erruet ‘oa mat ma malizenn (bet kaset er gambr dija!) ha setu me staliet evit ouzhpenn ur sizhun! kambr-tokyo-1kambr-tokyo-2kambr-tokyo-3kambr-tokyo-4Un tamm cheuc’h eo an ostaleri me gav, n’eo ket gwall vras ar gambr met bez ez eus kargerioù tredan, ur bern lugelloù, ur gibell, un tele, ur burev, ar rouedad dre LAN (ha wifi), un doare gourvez-vank, ur presyen, ur gitell… ! Un origami bihan hag anv ar plac’h kempenn ‘m eus ivez. Pezh a zo ‘m eus komprenet e oa ret paeañ ouzhpenn evit kannañ an dilhad (gant un servij pressing cheuc’h moarvat pa ‘m eus gwelet ar prizioù!) ha n’am boa ket komprenet an dra-se! Ma… Poent diskuizhañ bremañ!kartenn-nagoya(22 612 paz)

Devezh diwezhañ…

An devezh diwezhañ a zo bet un devezh sioul a-walc’h. An holl a oa o kregiñ da naetaat ar c’hambreier ha da brientiñ ar seier! Tremenet on buan e ti S&E da dapout an traoù am boa laosket ganto dec’h. Goude-se e oa emgav gant B tro kreisteiz evit debriñ, bet on evit ar wech kentañ er chadenn “Freshness burger”, oa ket fall tamm ebet! Bet on gant S & E betek Ikebukuro buan da brenañ un toullad traoù. N’omp ket bet pell ha tapet hon eus un evaj er starbucks evel adverenn. Goude omp distroet d’ober war-dro ar seier. Poanius eo bet met n’on ket bet re bell. Amzer ‘m eus bet da gomz gant plac’h Bulgaria zoken, kinniget he deus sikour din pa oa erru poent din mont. An holl a zo erruet en ti-gar tro 5e15, Takako a oa aze evit kas ac’hanomp betek an aerborzh.ootsukaIskis e oa ar veaj-se…
En aerborzh ‘m eus profitet evit prenañ un toullad traoùigoù ouzhpenn met aon ‘m eus bet peogwir on bet daleet un tamm. Ur fazi oa bet graet gant an ajañs beaj, ma zikidi a oa e anv “aotrou” (digomprenus, peogwir eo lakaet ar reizh war ar paseporzh!). E Pariz ne oa ket bet graet van, met un tamm aketusoc’h eo an dud e bro Japan ha ne felle ket dezho laoskel ac’hanon da vont da gentañ! Nec’hus da vat! Mod all e keñver maltouterezh hag all eo kalz aesoc’h kuitaat Japan evit erruout, anat! Ha setu ni loc’het evit ar veaj distro…

(o kargañ ‘oa an 3DS evit ar veaj!)

Harajuku hag onsen “mod gwechall”

Kousket kalzig ur wech ouzhpenn, ret eo lârat ne oan ket diskuizhet kalz en deizioù tremen!
Emgav da greisteiz evel boaz ha kollet un tammig amzer. Bet omp oc’h ober prenadennoù “fin beaj”, e Harajuku. harajukuEvidon loeroù hir ha ur c’himono. Bet omp oc’h evañ ur banne kafe en ul lec’h plijus (wired café) ha me ‘zo bet goude betek Shimbashi evit un emgav am boa gant beajourien all eus an ajañs. Erruet on gant lañs ha nec’het on bet un tamm, ne oan ket sur eus al lec’h emgav… Chomet on da c’hortoz ouzhpenn 1 eur! N’eo ket bet fentus, dreist-holl em boa laosket S, E ha B un tamm en un doare trumm (gant ma frenadennoù ouzhpenn -.-“)
Bet on me d’an onsen (ur wech ouzhpenn a-raok mont kuit!), ur massage shiatsu ‘m eus bet. Poanius eo bet un tamm! (met an den n’eus kavet ac’hanon “very cute”! war a seblant…) Ur sapre lec’h bras eo Ooedo Onsen Monogatari. Sañset eo da vezañ e-giz gwechall (mare edo) plijus eo met un neuz “uzin” penn-da-benn gantañ. ooedoonsenmonogatariUn tamm hegaset on bet gant ur familh am boa gwelet dija e-kerzh ar pred yakiniku met plijus e oa an dud all (chomet on da gomz gante e-pad ur pennad). An heñcher ‘zo aet kuit abred met me ‘zo chomet da brofitañ un tamm eus ar gibelloù memes tra! Hir a-walc’h e oa an hent evit distreiñ ha klasket ‘m eus war lerc’h ar re all goude (er gêr, er speak easy) ha c’hwitet war an holl! Un tamm trist e oan. E plas on chomet da gomz gant Sayaka he deus profet bizier din ^^ C’hoant he doa bet da bediñ ac’hanon da zebriñ gant he mignon da greisteiz met ne oa ket aze evel-just! Ur soñj plijus, domaj eo!

(10 404 paz)

Kemer ar gaoz…

Lakaet em boa an dihuner da 10eur30 met n’am eus ket soñj zoken da vezañ lazhet anezhañ ken skuizh e oan goude an nozvezh karaoke… ^^
Da 11 eur on savet drezon ma-unan avat. Debret ‘m eus gant ar Japanadez o chom en ti hag ur vignonez dezhi, plijus ‘oa ar gaozeadenn. Da c’houde on bet pedet da zebriñ gant ar c’houblad bulgarian a zo ivez en ti! N’am eus ket paouezet da zebriñ! Met plijus-tre ‘oa an eskemmoù ha pouezus peogwir e kuitaan an ti a-benn nebeut…
Da 3 eur em boa emgav e ti-gar Ōtsuka evit mont betek skol-veur arz ha dizagn Joshibi. Gouest on da lârat deoc’h bremañ on bet o tebriñ gant HARA Kiyoshi (ha tud eus kevredigezh Bretons du Japon) an div wech all… Ha hirie e oan pedet da gomz dirak izili kevredigezh ar gevrenn geltiek e Japan (?) : Japan Society for Celtic Studies. Bet on o komz neuze diwar-benn ar brezhoneg ha ma sell war ar yezh evel brezhonegerez yaouank. Degemeret mat-tre on bet, souezhet on bet o welet e oa daou ezel o teskiñ brezhoneg zoken! Laouen bras e oant o klevout brezhoneg. Tremenet eo mat ar brezegenn ha pedet on bet goude da zebriñ koan ganto (un 20 bennak a dud a oa met n’eo ket chomet an holl da zebriñ koan peogwir e oa tud o tont eus pell a-wechoù!). Anaoudegezh ‘m eus graet gant ur bern tud plijus ha moarvat em bo tro da welet reoù zo en-dro e Breizh. Un abardaevezh dedennus-tre ha brav, un toullad deizioù a-raok mont kuit…

(6 004 paz)

Souezhadennoù e Shinjuku ha karaoke e Ikebukuro

Un tamm klañv n’em santen digwener, skuizh ha poan daoulagad… Chomet on da straniñ kalz. Debret ‘m eus gant A da greisteiz, plijus e oa, met nec’het on bet gant un istor poubellennoù em zi ha kudennoù etre an dud o chom.
Goude-merenn e oa deuet E&S en-dro eus Kyōto (aet e oant o-unan) ha bet on gante e Shinjuku da brenañ… ur walenn peogwir en doa S kinniget E dimeziñ ar beure-se!! Souezhet on bet un tamm, me ‘zo bet an hini gentañ o c’houzout (goude tud an ostaleri e Kyōto!!) hag a-raok o familhoù dezho zoken! Brav-tre eo gwalenn E (ur bern bravigoù brav a oa er stal!) ha pedet on bet ez-ofisiel d’o eured a vo moarvat e miz Gwengolo 2014. Na petra ‘ta!! 🙂
Bet on en un tour gant stalioù ghotic lolita ha baby doll un tamm. Fentus a-walc’h e oa. Traoù brav (ha droch) ha traoù ker dreist-holl! (ur sapre stal Doc Martens a oa ivez… Un tamm temptet on bet me lâr deoc’h!)
Emgav hon doa goude gant S&A evit debriñ koan ha mont d’ar c’haraoke.
Un tamm dipitet omp bet peogwir e serre an hini e lec’h ma oamp bet ar wech all da 11 eur noz (9eur15 e oa dija!), divizet hon eus mont da Ikebukuro da glask war-lerc’h unan all kentoc’h. Ur chadenn divent hon eus dibabet (Karaoke Kan) ha ker a-walc’h e oa an nozvezh gant alkool (5000 円 dre den tro 45€ bennak), prest e oamp da vont da glask ul lec’h all neuze met rener an ti n’eus digresket ar priz peogwir e oamp niverus! Deuet omp a-benn da varc’hata 4000 円 (un 8€ distaol bennak neuze) dre den! ^^ Ur sal dispar hon eus bet gant ur sell brav war Ikebukuro… Un tamm start eo bet gourc’hemenn traoù da evañ peogwir ne oa ket kalz da zibab. Da gentañ hon eus kemeret un dra hep alkool hep gouzout deomp. Goude-se e oa lemon sour (vodka gant sitroñs) evit reoù zo ha whisky-kola evit ar re all. Chomet omp betek 5 eur dres an eur e lec’h a rankemp kuitaat ar sal. Digredus! An heol a oa savet etre-tan ha bet omp e tren kentañ ar beure… Ur sapre nozvezh! Dirak ma zi ‘m eus lâret kenavo da S&A a oa o vont da Okinawa an deiz war-lerc’h da vakañsiñ…sell_karaokekartenn_karaoke

(9 118 paz)

Previous Older Entries Next Newer Entries

%d bloggers like this: