Beurevezh e Miyajima ha mont da Hiroshima

Savet omp trankil beure-mañ. Keuz ‘m eus bet peogwir e oa izel un tamm ar mor ha moarvat e vefen bet gouest da vont da douch an torii ma vefen bet primoc’h. Ma!
toriiBet omp o troiata evit kavout boued goude. Tapet hon eus jug frouezh fresk (ananas ha kiwi evidon) hag ur melon-pan gant skorn… Un tamm pounner an dra! ^^melon-pan-skornGoude-se omp bet betek templ Toyokuni (pe Senjokaku) gant ar pagodenn 5 estaj (Gojunoto). Sioul ‘oa an traoù…kichen-toyokunitoyokunipagodenn-toyokuniBet omp war-lerc’h e santual bras Itsukushima. Izel oa c’hoazh ar mor avat neuze ne oa ket ken brav a war skeudennoù zo, met tud nevez a oa oc’h ober skeudennoù evit o eured!itsukushimaitsukushima-2 Pourmenet omp un tamm war an draezhenn da c’houde hag un tammig aon hon eus bet, gwall vuan e pigne ar mor a-greiz-holl! ^^ Kalz nebeutoc’h a dud a oa er straedoù, moarvat peogwir e oa devezh gouel broadel e Japan dec’h ( Keirō no Hi, devezh an dud kozh) e oa muioc’h a dud. Aze e oa sioul a-walc’h an traoù (kalz strolladoù touristed a bep seurt met gouzañvus).
Tapet hon eus ferry 12e40 ha bet davet Hiroshima. Un tamm torr-penn eo bet erruout peogwir e oan faziet mik beure-mañ en ur sellet ar gartenn evit gouzout pelec’h ‘oa an ostaleri, setu hon eus kerzhet kalz evit tizhout an ostaleri hag erru oan skuizh marv. Erruet ‘oa ma malizenn ^^ ha dispar eo an ostaleri (Urbain Hiroshima Central) : evajoù digoust a c’haller kemer a-hed an deiz, dijuniñ digoust, mekanik da gannañ digoust ha sec’herez ivez…
Ur bern produoù da n’em walc’hiñ er c’hambreier… Un dra a hegas ac’hanon hepken : ne vefe ket tu da welet dre ar prenestr na da zigeriñ 😦 Met mod all eo dispar evit ur priz ken izel!
Bet omp o pourmen goude e straedoù kenwerzhel goloet Hiroshima. N’hon eus prenet netra met un toullad traoù a felle din kemer e stalioù c’hoarielloù pe dilhad… >< C’hoariet hon eus gant E d’ur c’hoari taito bras a vez er c’hreizennoù c’hoarioù video. Gounezet ‘m eus :p
Da c’houde e oa erru naon ganeomp neuze omp bet o klask ul lec’h evit tañva okonomiyaki Hiroshima! Kavet hon eus unan e 6vet estaj savadur GAIA PACHINKO (treuzet hon eus ul lec’h gwall drouzus neuze!!) kichen an ti-gar, anvet HOPE. Mat-kenañ ‘oa (reoù disheñvel hon eus tapet ha tañvaet pep hini reoù ar re all). Keginet e oa dirazomp hag er fin ar perc’henn en deus goulennet diganeomp skrivañ ur gerig war e voger ^^okonamiyaki-hiroshimahiroshima-gerigouTapet hon eus un dibenn-pred a-raok mont d’ober war-dro hon dilhad. Tremenet kalz gwelloc’h pep tra (kannadenn ha sec’hadenn)! Prest eo ma malizenn en-dro ha ma sac’h…kambr-hiroshima Hag ar programm a-benn warc’hoazh! C’hoariet ‘m eus da glask lakaat blev malvennoù faos bet prenet en ur 100 yen shop met n’on ket deuet a-benn -.- Ret ‘vo klask en-dro XD
kartenn_16_gwengoloKartenn_16_gwengolo_bras

(14 602 baz)

Advertisements

Kollet en Osaka

Kalz trouz ‘zo bet e-pad an noz ha chomet eo E&S da gousket diwezhat. Un tamm hir ‘m eus kavet ma amzer met evel-se ‘m eus adtapet dale war a bep seurt traoù.

Aet omp kuit davet ar santual a felle din gwelet, war droad. Kavet hon eus ur 100 yen shop dreist war an hent ha prenet un toullad traoùigoù. Kollet-mik e oamp goude met ur plac’h a gomze mat-tre saozneg he deus sikouret ac’hanomp. Ar pezh a zo e oan titouret fall ha ne oa ket tamm ebet ar santual a felle din gwelet! (Fellout a rae din gwelet santual Yasaka. Met hini Namba ha ket hini Fukushima! Ahaha! -.- Faziet e oan neuze en ur glask war ar gartenn.) Na dipitet e oan!!
Yasaka-jinja-fukushimaBet omp o prenañ boued goude ha chomet omp gwasket abalamour d’ar glav. Me hag a soñje mont betek ur park e diavaez Osaka en Norzh, tapet berr e oamp! Chomet omp a-sav e Kyobashi peogwir hon oa amzer ha pourmenet un tamm er straedoù. Begin-kyobashi-1Begin-kyobashi-2Begin-kyobashi-3Klasket hon eus mont kentoc’h davet Nipponbashi goude, e-lech m’emañ karter ar manga met ur wech ouzhpenn n’hon eus ket dibabet mat-tre. Bet omp en ur greizenn kenwerzh ha da gemer un tamm adverenn hag e plas hon eus kavet dre zegouezh un templ bamus da vat! Isshinji eo. O serriñ e oa met amzer hon eus bet da bourmen un tamm memestra. Iskis-tre ha brav kenañ. Ouzhpenn e oa an heol o vont da guzh. Un istor iskis a zo bet gant ar gward hag E a oa o c’hoari gant ur c’hazh… ^^Isshinji-1Isshinji-2Isshinji-3Isshinji-4Isshinji-5Bet omp goude da welet an tour a ro liv an amzer (Tsūtenkaku) ha da bourmen e straedoù leun a livioù, boued e pep lec’h…tsutenkakuShinsekai Skeudennet omp bet gant un tourist d’ur mare zo, iskis oa ^^ ha bet o tebriñ kushikatsu. KushikatsuMat ‘oa ar boued, distroet omp sioul d’ar guest-house ha debret traoù bet prenet er 100yen shop ouzh ar beure evel dibenn-pred ^^madigou-sushiMat-tre oa ha plijus fin an devezh daoust d’an traoù cheñchet hag un tamm «forzh petra»…

kartenn_11_gwengolo

(16 611 paz)

Tro wenn e Shinagawa ha stalioù Akihabara

Goude tout avanturioù an deizioù tremen em eus bet c’hoant da chom da gousket. Dihunet on bet gant an embregerezh kendo e-kichen avat (aaaah, ankouaet mik em boa an dra-se e-pad ma sizhun e Kyōto!!)… Met n’eo ket bet re start menel en-dro.
Goude-se ‘moa emgav gant B evit debriñ e-kichen ti-gar Ōtsuka. Dre zegouezh e oa A (plac’h ar c’houblad Gallaoued a labour e Japan, ket eben !!) o tebriñ aze ivez. Un tamm pred diverrañ eus ar pezh a oa c’hoarvezet gant pep hini eo bet neuze. Goude-se omp bet betek santual Shinagawa evit an dañs shinto sakr. Met ne oa netra!! Faziet e oa an ajañs war an devezh war an deiziadur sevenadurel! N’ouzon ket pegoulz e oa met un tamm lu ‘m eus kavet… (ha gouezet am eus goude-se ne oan ket bet ma-unan oc’h ober tro wenn an deiz-se!)

shinagawa_uhel

Sell war santual Shinagawa eus an uhel

shinagawa2

Hag eus an tu all !

Bet omp neuze da bourmen un tamm tro-dro da Shinagawa. Klasket hon eus pignat e-lein un tour en doa notennet B evit ar gweledva met un dra cheuc’h spontus e oa gant ur preti… N’hon eus ket kredet mont-tre! Goude-se omp bet da welet templ ar 47 ronin : Sengaku-ji. Un den drol-tre a oa aze o tapout skeudennoù, klasket en deus komz ganeomp, moarvat evit displegañ istor an templ met iskis-tre oa… sengakuji

Goude-se omp bet da Akihabara da brenañ traoù.

akihabara_nail_art

“Nail art” mod Akihabara! ^^

Me ‘zo distroet da Ōtsuka peogwir em boa emgav evit koan gant tud an devezh kentañ, m’ho peus soñj mat!kartenn_15_04

(17 941 paz)

Sendai

Daoust da bep tra (d’ar skuizhder dreist-holl) on deuet a-benn da sevel ha da erruout en koulz evit tapout tren 6e56 evit mont da Sendai. Un dijuniñ bihan ‘m eus prenet war ar c’hae (kioskoù a vez evit gwerzhañ boued, evajoù ha kelaouennoù). dijunin_tren Tremenet buan ar veaj ha setu-me erru e Tōhoku neuze!
Raktreset em boa mont da welet Ōsaki Hachiman-gū, ret e oa din tapout an tren evit-se. N’am eus bet kudenn ebet en tren met faziet on mik evit hent ar santual! (ti-gar Kunimi war ar gartenn, bet on a-gleiz e plas mont a-zehou…!) Erruet on en un templ kollet (大聖寺 (Daishouji?)) ha distroet davet an ti-gar. Ranket ‘m eus goulenn ma hent div wech met sikouret on bet mat gant an dud daoust dezho pas komz saozneg. Deuet on a-benn da gavout ar santual! Brav e oa e gwirionez.oosaki_hachiman_gu Goude-se ‘m eus adtapet an tren (ha santet ur c’hrenn-douar war an hent pa oan o kerzhout!) evit mont da welet templ (ha liorzh dreist-holl) Rinnōji ranket ‘m eus ivez goulenn ma hent, echu mik radar Nintendo aze, ne gomprenan seurt evit mont war-raok e Sendai! E diavaez kreiz-kêr e oan ha ne oa netra skrivet e romanji, kazi riblenn ebet kennebeut… Iskis! Chomet on a-sav e templig Daihoji buan-ha-buan.
Ma, kavet ‘m eus ivez ha gwelet al liorzh vihan brav. Ne oa kazi den ebet! rinnoojiTraoù iskis a oa tro-dro d’an templ, liammet gant ur film pe n’ouzon ket…rinnooji_tudenn Aze ez eus bet goulennet diganin ma oan studierez etrevroadel gant un den a bourmene e gi. Deuet on a-benn da gavout ar metro goude (eüruzamant em boa kavet ur gartenn eus Sendai er santual) ha da vont davet kreiz-kêr. Chomet on a-sav da zebriñ rak gwall skuizh e oan ha da welet ar vediaoueg goude. Brav eston eo! smtDegemeret mat-tre on bet, roet ez eus bet din ur c’harnedig evit ar sielloù hag an aotre da dapout skeudennoù. 7 estaj a zo, ur sinema, estajoù diskouezadegoù, 3 estaj evit al levraoueg/mediaoueg hag en traoñ ur c’hafedi, ur stal hag ul lec’h evit prezegennoù. A bep seurt tud a oa, tud yaouank, tud kozh, o labourat pe o kousket. 🙂
Goude-se on bet betek ar park nepell (Nishi) . Un tamm dipitet on bet peogwir e oa kalz lec’hioù evit ar vugale da c’hoari met ne oa ket kement-se a gwez ha tout. Ur blasenn leun-chouk evit ohanami on deuet a-benn da welet memes tra met setu tout.sendai_ohanamiTro 3 eur bennak e oa neuze ‘m eus divizet tostaat eus an ti-gar. Hir a-walc’h e oa ar straed evit tizhout an ti-gar. Aze on bet er savadur AER da gemer merenn-vihan, da welet ar Pokemon Center hag ar sell war ar gêr eus lein an tour (31 estaj).adverenn_sendai pokemon_centersendai_aerGoude e oa poent mont da dapout an tren en-dro. Iskis un tamm eo bet ar veaj, un den oc’h huanadiñ n’em c’hichen, c’hwezh boued (poan ‘m eus c’hoazh gant an dra-se!), ur bugel drol dirazon a rae kalz trouz gant ur vouezh displijus-tre (en deus lakaet ac’hanon da soñjal en ur c’hrennard gant ur vouezh dic’houzañvus a zeue d’al levraoueg karter pa labouren) hag ur poupig o huchal… Un tamm skuizh on erru marteze gant tout ar beajoù en tren-se! Met setu, echu eo! Ha n’am eus tamm keuz ebet!
Ur c’hrenn-douar all ‘m eus santet em c’hambr ur wech erru!sendai

Tro 306 km a zo etre Sendai ha Tokyo

Tro 306 km a zo etre Sendai ha Tōkyō

(n’am boa ket lakaet ma 3ds da vont en-dro diouzh ar beure! Met 9181 paz goude-merenn (ha kerzhet ‘m eus kalz nebeutoc’h!))

Devezh e park Nara ha koan e Ōsaka

Tapet an tren (linenn JR Nara Line (Local?)) dimerc’her betek Nara, kêr ar c’hirvi sika! Unan eus lec’hioù “ret” an douristed eo en ur stumm… Ur gêr vras a-walc’h eo (souezhet on bet) met gant un aergelc’h sioul-tre hag ur bern glasvez (e gwirionez, abalamour omp chomet a-sav e ti-gar Kintetsunara ‘m eus gwelet ar pezh a vez galvet “park Nara” dreist-holl… Moarvat eo brasoc’h c’hoazh ar gêr!). Ur bern kirvi sika (Cervus nippon) a zo dieub ha tostaat a reont pa santont boued. Fentus-tre eo.

Ur c'harv o treuziñ an hent war an dreuzenn kerzhourien p'eo gwer ar gouloù en ur zebriñ kartenn un tourist-bennak. Klasel... !

Ur c’harv o treuziñ an hent war an dreuzenn kerzhourien p’eo gwer ar gouloù en ur zebriñ kartenn un tourist-bennak. Klasel… !

reolennou_kirvi_sikakirviBet omp o welet  liorzh Isuen, ul lec’h brav eston! liorzh_isuenliorzh_isuen2Bet omp goude da welet ar Bouddha bras e templ Todai-ji. Sal ar Bouddha bras a zo ar brasañ sal savet gant koad er bed sañset. Dedennus-tre eo e-barzh, gwelet e vez maketenn ar savadur ha penaos eo cheñchet (brasoc’h c’hoazh ‘oa pell ‘zo!). C’hwitet ‘m eus war un dra a ra berzh peogwir e klasken pellaat eus an dud (en ur lec’h e toug chañs tremen e-barzh un toull a zo en un treust koad… Arabat bezañ tev war a seblant!). Ur bern traoù moutig ‘m eus kavet da brenañ avat ^^todaijidaibutsu_naraKerzhet hon eus evit kuitaat ar park ha mont da zebriñ merenn. Ur preti gant un daoliad voued a oa ha debret hon eus un tamm re evit an darn vrasañ (mat oa!). Goude-se omp bet da virdi teñzorioù Kofuku-ji, gant ur bern delwennoù bouddhael chomet mat (traoù kozh-noe a zo, bamus eo!).

kohfuji

Divinet ho peus e oa difennet tapout skeudennoù en diabarzh.

Evit echuiñ omp bet donoc’h er park, betek ur santual brav Kasuga Taisha (hep mont-tre e gwirionez peogwir e oa paeüs).

Kirvi pep lec'h e gwirionez!

Kirvi pep lec’h e gwirionez!

CSI : Nara

CSI : Nara

davet_kasuga_taishakasuga_taisha kasuga_taisha2Tapet hon eus ur bus peogwir e oamp erru pell eus an ti-gar goude bezañ kerzhet a-hed an deiz! A-raok tapout an tren ‘m eus prenet un evaj am boa gwelet alies gant ur bern tud, unan gant acerola. ‘Oa ket re fall! (Evajoù all ‘moa tañvaet hirie met ‘m eus ket soñj pere 😦 )nara_kartennDistroet omp da Gyōto  (JR Nara Line (Rapid Service?)) ha lammet diouzhtu en un tren all davet Ōsaka (JR Kyoto Line (Local?) bep tro) ! Ar wech kentañ e oa da d/Tadashi kinnig an nozvezh-se ha plijet bras e oa. Ul lodenn eus e familh a zo eus Kyōto hag ul lodenn eus Ōsaka ha plijet e oa neuze o lakaat da zizoloiñ ur gêr a blij kalz dezhañ, a zo “fentusoc’h”! ^^ Un aergelc’h disheñvel mik a zo du-hont. Yaouank, buhezek, fentus, trouzus. Sklêrijennet kennañ eo ar gêr, lesanvet stomok Japan!
Chomet omp ur pennadig e 11vet estaj ti-gar Umeda da sellet ouzh ar gweledva diouzh noz…gweledva_nozTapet hon eus ar metro da c’houde evit mont er su (betek Dobutsuenmae?) evit gwelet tour Ōsaka : Tsūtenkaku. Sañset eo bet awenet gant an tour Eiffel… osaka_tourMe gave fentusoc’h e vefe gouest an tour da lârat liv an amzer! ^^ (gwer pa vo heol, gwenn evit ar c’houmoul hag all. Ruz e oa aze, d’am soñj e talvez e raio glav…), aze ivez hon eus gwelet Billiken, a vez gwelet ingal er gêr. Sañset e toug chañs pa vez frotet e dreid… billikenTremenet omp ivez dre alez Shinsekai a oa goulo-mik (un alez gant stalioù eo).  shinsekaiAdkemeret hon eus ar metro etre Ebisucho ha Nanba.

Un templij e kreiz ar straed, leun a van an delwennoù peogwir e vez skoet dour warno !

Un templij e kreiz ar straed, leun a van an delwennoù peogwir e vez skoet dour warno !

Strizh-strizh! Ur straed gant a bep seurt traoù diwar-benn ar c'hoariva...

Strizh-strizh! Ur straed gant a bep seurt traoù diwar-benn ar c’hoariva…

Tremenet omp dre straedoù bihan, ha goude da zebriñ e karter Dotonbori. Ur straed a-bezh gant gouleier, boued e-leizh… Dibab a zo, anat deoc’h! dotonboriBet omp o tebriñ «bizhier bignez» pe kentoc’h kushikatsu er chadenn vrudet Daruma (gant he maskot Daruma Daijin). daruma_daijinAn “Honenzi set” hon eus bet : un digor-pred bihan (kimchee evidon) ha goude-se bignez (kig-moc’h (ar c’hushikatsu klasel), kostezennig kig-moc’h, boulenn kig-yar, boulenn riz (mochi), asperjezenn, silzigenn, fourmaj (menam!), patatez dous (menam adarre!), chifretezenn, fourmaj ha toaz chikuwa (un doare surimi ma fell deoc’h), un û koailh (!), kig-yar fritet (karaage)) !!! Ur reolenn a zo e seurt preti : implijet e vez ar chaous (teñval, sukret un tamm met n’ouzer ket re petra eo resis ^^) a-hed an deiz gant an holl, neuze eo ret trempañ ar bignez UR WECH HEPKEN. N’eo ket re start en ober pe mod all ez eus tu da druchañ en ur gemer chaous gant un delienn saladenn ha lakaat war ar bignez en un asied. Traoù zo a zo da zebriñ gant holen ha hep chaous ivez. E-kichen ar gegin e oamp hag efedus ha prop e seblante an traoù bezañ! ^^ Souezhet omp bet er fin tout peogwir ez eo bet lakaet deomp ar bignez na oant ket bet debret ganeomp (me ‘m eus debret unan a bep seurt, met tud all o deus paouezet a-raok ^^) en ur voest ha tout. Netra kollet! Ur sapre kofad! Un aergelc’h plijus-tre a oa an noz-se, an den nevez-tutaet a oa aze ganeomp c’hoazh ha ne oamp nemet 5 mod all, profitet hon eus mat ha c’hoarzhet mat, anat!kushikatsuEvit echuiñ omp tremenet dre bont ar merc’heta/paotreta (evel-just eo el lec’h-se ‘m eus kavet mat mont da skeiñ en ur paotr hep ober a-ratozh, c’hoarzhet en deus gant e vignoned pa ‘m eus lâret «sumimasen» n’ouzon ket petra a oa kent fentus… ^^) goude straed ar pretioù ha da welet panell “Glico” evel-just, ar reder marathon (unan eus arouezioù Ōsaka). glicoHa setu, poent e oa distreiñ da gousket memes tra! Ur veajig tren ha setu… Plijus-tre an nozvezh ha reiñ a ra c’hoant distreiñ du-hont!kartenn_osaka

kartenn_hollek

Kyōto a zo a-gleiz d’al lenn bras. Nara a zo a-zehou hag Ōsaka a-gleiz (ha tapet ‘m eus skeudennoù en tren war an hent ^^)

(n’am boa ket bet amzer da gargañ ma 3DS el leti, neuze n’eo ket bet ganin! Met kerzhet ‘m eus kalz koulskoude!)

Pourmenadenn e Kyōto

Un devezh o pourmen e Kyōto a oa raktreset d’ar Meurzh. Un toullad e oamp o vont setu omp bet kaset gant ur bus prevez. Bet omp betek an templ Ryoanji (ar muiañ a gleiz war ar gartenn) hag e liorzh : sioul ha peoc’hus an aergelc’h…ryoanji1 ryoanji2Bleunioù kerez a oa c’hoazh er gwez el liorzh e-kichen.
ryoanji3En ur guitaat ez on bet lakaet da dañva ur banne te tomm gant ur plac’h a oa o werzhañ te (ha traoù all) kazi evel soubenn e oa kentoc’h! Un tamm tro berr er bus ha setu-ni dirak ar c’h/Kinkaku-ji (“pavilhon aour”, eil a gleiz) a zo bamus a-walc’h da welet! kinkakujiUl liorzh bras a zo tro-dro (hag un toullad mat a stalioù ha traoù a seurt-se). kinkakuji_liorzhDistroet omp er bus ha parket e-kichen Shishigatani Dori evit adpignat un tamm Tetsugaku-no-michi (betek ar c’hroaz-hent gant) hag Imadegawa Dori (ul lodenn eus “hent ar brederourien” eo) evit mont davet  ar Ginkaku-ji (“pavilhon arc’hant”, an hini uhel a-zehou tout). predeUn tamm kozh eo ar savadur met anat ez eo al liorzh a zo da welet ar wech-mañ. Un drugar!ginkakuji ginkakuji_liorzhPoent e oa mont da zebriñ. N’am eus ket kavet mat-tre ar pred evit ar wech kentañ.
Goude merenn omp bet d’an templ bras Kyomizudera evit echuiñ. Treuzet hon eus tout an takad “glaz” a zo a-raok (an daou boent e-kichen Higashi ward war ar gartenn), en ur dremen buan dre dempl Hongwanji ha dre ur vered divent ha bamus a-walc’h… beredUn toullad traoù a zo da welet en templ-bras-se ha prantadoù fentus a-walc’h a zo bet (‘m eus ket heuliet pep tra met tud eus ar strollad a zo bet test eus ur paotr o c’houlenn d’e vignonez dimeziñ gantañ da skouer). Dec’h em boa bet tro da verzout pegen aketus ha micherel e oa hon heñcher met hirie e oa bamusoc’h c’hoazh : prientiñ a ra goulennaouegoù bihan deomp da leuniañ evit deskiñ traoù diwar-benn al lec’hioù a weladennomp ha roet en deus deomp un tamm geriaoueg bihan ivez gant yezh lec’hel Kyōto (pe ar C’hansai kentoc’h, “Kansai-ben” a vez lâret). Tro ‘m eus bet da implijout troioù-lavar zo, trugarez da skouer (a zo ōkini e plas arigatō), berzh a ra er stalioù, me lâr deoc’h! 😉kiyomizu_dera kiyomizu_kimonoTouristel-tre eo Kyōto hag un tamm poan ‘m eus bet gant an niver a dud, diseven a-walc’h, o vountañ ha tout (ur plac’h kozh he deus lakaet ma boued da gouezhañ war al leur hep digareziñ da skouer). N’am eus skeudenn ebet eus ma adverenn neuze T-T (yatsuhashi cream puff blaz te matcha, evel ma c’hallit gwelet war ar blog-mañ) hag ouzhenn e oa leun a goavenn matcha ma dilhad ha ma sac’h… Brav eston eo evel-just met n’on ket deuet a-benn da brofitañ e gwirionez… E-kerzh an devezh-se ‘m eus bet tro da welet en-dro daou baotr sympa a oa er c’harr-nij ganin. Ur wech echu omp bet o pourmen e straedoù kenwerzh hag e stal Ghibli da skouer. ghibli_kyotoPlijus ar valeadenn. Distroet omp betek Yasaka (ar poent a chom, tamm-pe-damm e kreiz) en ur dremen dre straedoù a bep seurt, siouloc’h un tamm… kyoto_pourmenUr pred ispisial pesked a oa raktreset diouzh noz. Er preti Gion-emon 祇園えもん e oa (n’o deus lec’hienn ebet e saozneg met skeudennoù a zo!) pred_peskedMat-tre oa ha plijus an aergelc’h ivez peogwir e oamp nebeut o kemer perzh (4, Tadashi en o-zouez). Goude koan, an tri ac’hanomp a zo bet o pourmen e templ Yasaka diouzh noz evit skeudenniñ al lec’h gant gouleier ha tout. yasaka_nozBet on me o prenañ boued ivez evit ar beure met ma-unan on bet oc’h ober an dra-se!kartenn_kyoto

(16 193 paz)

Dizoloiñ Kyōto

Kousket ‘m eus mat spontus e-kerzh an noz met savet on abred dilun a-benn mont d’an onsen a-raok mont kuit da 8e15. Plijus ken-ken e oa kregiñ an devezh evel-se! Ur plac’h eus ar vro he deus gourc’hemennet ac’hanomp peogwir e raemp mat an traoù evit estrenien. 🙂 Un dijuniñ mod european hon eus bet er ryokan.

Sell en ur dont er-maez eus ar gambr, e trepas (digor) an ostaleri hengounel

Sell en ur dont er-maez eus ar gambr, e trepas (digor) an ostaleri hengounel

Tapet hon eus ur bus kumun (al linenn T, adalek Shinanoki / Hakone Highland Hotel) a-benn mont betek ti-gar Odawara (an ti-gar tostañ evit kemer an trenioù tizh-bras davet ar c’hêrioù bras). Ne oa ket aes gant ar seier bras hag an hentoù meneziek a droidelle forzh pegement… Aze an hini ‘m eus merzet em boa ankounac’haet disglavier n°1 er ryokan! Kenavo, ra vi tapet gant tud all!
Aze ez eus bet tud o vont da d/Tōkyō en-dro ha reoù all da g/Kyōto eveldon met reoù zo o doa miret plasoù dija ha reoù all n’o doa ket (e gwirionez omp bet o c’houlenn met ne chome ket ken). N’eo ket grevus avat peogwir e oa un tren gant 5 gwetur gant plasoù n’int ket miret. Hikari 507 10e08 e oa. Kavet hon eus plasoù hep re a-boan (ret eo gortoz en un doare lostad dirak ar gweturioù ha kemer forzh peseurt plas dieub). E-kichen A e oan a komzet hon eus kalzig. Ur plac’h jentil-tre a oa n’em c’hichen he deus lâret din pa oa tu da welet ar Fuji mat ha tout. Skeudennoù ouzhpenn!fujisan_tren

kartenn_hent

Hakone a zo al lenn bihan e-kichen Fuji hag ar sifr “1”. Kyōto a zo ar strollad poentoù ruz… Setu an hentad graet gant an tren ar beure-mañ neuze! Un 306 km bennak.

Kenji en doa lâret deomp kemer peadra da zebriñ en tren. Ur sandwich hag un evaj bennak evidon. Erruet omp e Kyōto da 12e14 (un tamm ouzhpenn div eur e lak neuze ar shinkansen-mañ, un tren tizh bras ha ne chom ket kalz a-sav) war ar c’hae 14 ha bet degemeret gant ur bern tud (krouer an ajañs hag ur paotr yaouank tutaet nevez-zo. Ar strollad kentañ da zegemer e oamp evitañ, hon heñcher hag ivez B a oa kuitaet digwener, soñj ho peus? Graet e droiad da Hiroshima hag adkavet ac’hanomp). Kaset omp bet betek an ostaleri ne oa ket re bell eus an ti-gar met ne oa ket prest ma gwele c’hoazh ha ret eo bet din laoskel ma sac’h en ur pezh a-ratozh. Bet omp o pourmen un tamm e Kyōto (karter Gion) e straedoù bihan gant Tadashi, hon heñcher. Kroget omp gant Shirakawa-minami Dori (ur bern tud gant dilhad hengounel a veze gwelet dija), chomet omp a-sav en ul lec’h evit ar vutunerien plijus-kenañ (ha goulo) e-kichen Hanamikoji Dori, a-raok pourmen e-kichen santual Yasaka ha park Maruyama, lec’h emgav heverk. Bet omp ivez dirak templ Ryozen Kannon (peadra da welet an delwenn vras) da gaout ur sell brav war ar gêr…shirakawa_minami_dorismoking_area

Straedoù bihan ha neudennoù tredan e pep lec'h...

Straedoù bihan ha neudennoù tredan e pep lec’h…

yasakaklichedou

Souezhadennoù a vez e straedoù Kyōto !

Souezhadennoù a vez e straedoù Kyōto !

sekred

ryozen_kannon sell_kyotoGoude-se on bet me da welet lid an te en Tea Ceremony Experience En. Un dra a-ratozh evit touristed gant lid an te buan e saozneg. Plijus oa ar plac’h ha goude bezañ diskouezet deomp e oa ret deomp ober d’hon zro. Mat e oa ma ze 😀 Klikit evit ur pennad klokoc’h diwar-benn al lid-se.
Pourmenet on c’hoazh e straedoù bihan Kyōto, e-kichen templ Kennin-ji da skouer e oa un templ kozh-tre… Bet on warlerc’h ma-unan gant Tadashi da c’hoariva Gion Corner a ginnig diskouez un tamm arzoù hengounel d’an douristed (ikebana, dañs meiko, bunraku…) Brav e oa da welet (ar bunraku dreist-holl) met displijus-tre an aergelc’h gant tud o skeudenniñ, o sevel, o komz dizoujañs-mik.maikoGoude an abadenn-se e oa emgav evit mont da zebriñ ur pred «kaiseki», boued fin hervez ar c’houlz amzer. Er preti 町衆料理 京もん(Kyomon) e oa. Me gave din e vefe bet bamusoc’h (dreist-holl neuz ar meuzioù) met mat-kenañ e oa ar boued ha plijus aergelc’h ar strollad. Tadashi en doa troet ar roll-meuzioù penn-da-benn e galleg! Evel-se e c’hallemp heuliañ an traoù a-feur ma vezemp servijet. Ur mennozh jentil-tre ha plijus!

Riz gant pebr Japan, pesked bihan (!) ha soubenn miso

Riz gant pebr Japan, pesked bihan (!) ha soubenn miso

Aon am boa avat pas galloud kemer ma sac’h peogwir e oa erru diwezhat met n’eus bet kudenn ebet. En ur gambr 6 den on, chom a rae ur gwele en traoñ e-kichen ar prenestr. Kambreier paotred ha merc’hed mesket int. Er pempvet estaj e oan (an eil a zo al lodenn kegin, sal-foran), er gambr gentañ. Tri faotr ha teir flac’h oamp.
Ar rouedad na yae ket en-dro avat ha ne oan ket kustum ken! Met leun mat e oa bet an devezh ha ret mat e oa kousket a-benn an deiz war-lerc’h neuze…

kartenn_kyoto

(12 969 paz)

Previous Older Entries

%d bloggers like this: